Last updated on March 8th, 2025 at 04:11 pm
ಬಂಟ್ವಾಳ,ಮಾ.08: ನಿಗೂಢ ರೀತಿಡ್ ನಾಪತ್ತೆ ಆದಿತ್ತಿನ ಪರಂಗಿಪೇಟೆದ ಕಿದೆಬೊಟ್ಟುದ ವಿದ್ಯಾರ್ಥಿ ದಿಗಂತ್ ಸುಮಾರ್ 10 ದಿನೊರ್ದು ಬೊಕ್ಕ ಇನಿ ಮಾ.8 ಸನಿಯಾರ ದಾನಿ ಒಡಿಪುಡು ತಿಕ್ಕ್‌ದೆ ಪನ್ದ್ ತೆರಿದ್ ಬೈದ್ಂಡ್.
ಪೊಲಿಸೆರ್ ಆಯನ್ ಲೆತೊಂದು ಬರೊಂದುಲ್ಲೆರ್‌ಗ ಪನ್ದ್ ತೆರಿದ್ ಬೈದ್ಂಡ್. ರಾಜ್ಯ ಸರ್ಕಾರ ಬೊಕ್ಕ ಪೊಲೀಸ್ ಇಲಾಖೆ ಗಂಭೀರವಾದ್ ಪರಿಗಣಿತ್‌ದ್, 40ರ್ದ್‌ಲಾ ಎಚ್ಚ ಪೋಲೀಸೆರೆ ಟೀಮ್‌ಲು ನಾಡ್ದಿತ್ತೆರ್. ಡಿಎಆರ್ ಕೂಟದ 30 ಪೋಲೀಸೆರ್, ರೈಲ್ವೆ ಪೋಲೀಸ್, ಅಗ್ನಿಶಾಮಕ ದಳ, ಎಫ್.ಎಸ್.ಎಲ್, ಡಾಗ್ ಸ್ಕ್ವಾಡ್, ಡ್ರೋ ನ್
ಕ್ಯಾಮೆರಾಲೆನ್ ಗಲಸ್‌ದ್ ನಾಡುನ ಕಾರ್ಯಾಚರಣೆ ಮಲ್ತಿತ್ತೆರ್.
ದಿಗಂತ್ ಕುಡ್ಲಡ್ ಸೆಕೆಂಡ್ ಪಿಯುಸಿ ಕಲ್ತೊಂದಿತ್ತೆ. ಫೆ. 25ತ ಅಂಗಾರೆ ಬಯ್ಯಡ್ ದೇಲಂತಡೆಗ್ ಪೋದು ಬರ್ಪೆ ಪನ್ತಿನಾಯೆ ದೇಲಂತಡೆಗ್ಲಾ ಪೋವಂದೆ, ಇಲಾಲಗ್ಲಾ ಬರಂದೆ ತೋಜಂದೆ ಆದಿತ್ತೆ. ಆಯನ ಮುಟ್ಟು ಅಂಚೆನೇ ಮೊಬೈಲ್ ಇಲ್ಲದ ಕೈತಲ್ ರೈಲ್ವೇ ಪಟ್ಟೆಡ್ ತಿಕ್ಕ್‌ದಿತ್ತ್ಂಡ್.