ಪೊಂಜೊವುಲೆನ ಓಪನ್ ಡೆಡ್‌ಲಿಫ್ಟ್‌ಡ್ ರಾಷ್ಟ್ರೀಯ ದಾಖಲೆ ಮಲ್ತಿನ ಕುಡ್ಲದ ಪೊಣ್ಣು ನಮಿ ರೈ, ಆರ್ ದೇರ್ತಿನ ದಿನ್ನ ಏತ್?

Last updated on March 17th, 2025 at 11:25 am

ಫೆಬ್ರವರಿ 19 ರ್ದ್ 23 ಮುಟ್ಟ ಪಂಜಾಬ್‌ದ ಫಾಗ್ವಾರ್ ಡ್ ರಾಷ್ಟ್ರೀಯ ಮಟ್ಟೊದ ನ್ಯಾಷನಲ್ ಸೀನಿಯರ್ ಕ್ಲಾಸಿಕ್ ಪವರ್‌ಲಿಫ್ಟಿಂಗ್ ಚಾಂಪಿಯನ್‌ಶಿಪ್ – 2025 ನಡತಿತ್ತ್ಂಡ್. ಈ ಪಂತೊದ ಡೆಡ್‌ಲಿಫ್ಟ್ ವಿಭಾಗೊಡು ಕುಡ್ಲದ ಪೊಣ್ಣು, ಇತ್ತೆ ಛತ್ತೀಸಗಢೊಡು ಇಪ್ಪುನ ನಮಿ ರೈ ಪರೇಖ್ ರಾಷ್ಟ್ರೀಯ ದಾಖಲೆ ಮಲ್ತ್‌ದೆರ್.

ಮೇರ್, ಫೆಬ್ರವರಿ 20 ದಾನಿ ಈ ಚಾಂಪಿಯನ್‌ಶಿಪ್‌ಡ್ 180kg ದಿನ್ನ ದೇರ್ತ್‌ದ್ ಮೆರೆನ ವೇಯ್ಟ್ ರೇಂಜ್‌ಡ್ ರಾಷ್ಟ್ರೀಯ ದಾಖಲೆ ಮಲ್ತ್‌ದೆರ್.

ಮೇರ್ 2019 ಡ್ ಮಾಸ್ಕೋ ಡ್ ನಡತಿನ AWPC World Cup ದ ಫುಲ್ ಪವರ್‌ಲಿಫ್ಟ್ ಬೊಕ್ಕ ರಾ ಡೆಡ್‌ಲಿಫ್ಟ್ ಪಂತೊಲೆಡ್ ಪಾಲ್‌ಪಡೆದ್ 2 ಬಂಗಾರ್ದ್ ಪದಕೊ ಅಂಚೆನೇ ಭಾರತೊದ ಪರವಾದ್ 2 ವಿಶ್ವ ದಾಖಲೆನ್ಲಾ ಮಲ್ತ್‌ದೆರ್.