Last updated on March 30th, 2025 at 10:56 am
ತುಳುಟೇ ಪದ ಬರೆದ್ ಪಾಡುನ ಆಳ್ವಕೂಟೋ ಪನ್ಪಿನ ತುಳುವೆರೆನ ಪೆರ್ಮೆದ ಮ್ಯೂಸಿಕ್ ಬ್ಯಾಂಡ್ ತನ್ನ ಕುಡೊಂಜಿ ಪೊಸ ವೀಡಿಯೋ ಬುಡುಗಡೆ ಮಲ್ದೆರ್. “ಪಗೆತ ಪುಗೆ” ತರೆಬರವುದ ಈ ಪದ ತುಳುನಾಡ್‌ದ ಲೋಕಲ್ ಗ್ಯಾಂಗ್‌ಸ್ಟರ್ ಮೂವೀ ಗ್ ಒಂಜಿ ಎಡ್ಡೆ ಬ್ಯಾಕ್‌ಗ್ರೌಂಡ್ ಮ್ಯೂಸಿಕ್ ಕೊರ್ನ್ಡ ಎಂಚ ಇಪ್ಪು ಪನ್ಪಿನೆನ್ ತೋಜಾವುಂಡು.
ಕೋರಿದ ಕಟ್ಟೊರ್ದು ಸುರು ಆಪಿನ ಈ ವೀಡಿಯೋ, ಅಲ್ಪ ಲಡಯಿ ಆದ್ ಎಂಚ ಪಿಸಿರ್ ಏರ್ನ ಜವನೆರ್ ಕೂಟ ಕಟ್ಟೊಂದು ಪಗೆ ಸಾದ್ಯೆರ ಪಿದಡುವೆರ್ ಪನ್ಪಿನೆತ ಸುತ್ತ ತಿರ್ಗುಂಡು.
ಈ ಪದ ಬರೆತಿನ ಪ್ರವೀಣ್ ಆಳ್ವೆರ್ ತನ್ನ ದುಂಬುದ ಒಂಜಿ ಕಾನ್ಸರ್ಟ್‌ಡ್ ತಾನ್ ಪೋಲೀಸ್ ಕ್ವಾರ್ಟರ್ಸ್‌ಡ್ ಬುಲೆದ್ ಬತ್ತಿತ್ತ್‌ದ್, ಅಲ್ಪ ತೂತಿನ ಕೆಲ ನಡಕೆಲೆನ್ ಎನ್ನೊಂದು ಈ ಪದ ಬರೆತೆ ಪನ್ದ್ ಪನ್ತೆರ್.
ಒಂಜಾತ್ ಬಪ್ಪರ್ ಅತ್ತಂದಿನ ನೆರಡೆಲುಲಾ ದಿಂಜಿದಿಪ್ಪುನ ಪದ ಕೇನರೆ ಎಡ್ಡೆ ಇತ್ತ್‌ದ್, ಇತ್ತೆ ಈ ವೀಡಿಯೋ ಪದೊಕು ಕುಡೊಂಜಿ ಜೂವ ಕೊರ್ಲೆಕ ಉಂಡು.
ಈ ಪದೊತ ವೀಡಿಯೋನು ಮುಲ್ಪ ತಿಕ್ಕಾವೊಂದುಲ್ಲ, ತೂಲೆ…!