Last updated on March 8th, 2025 at 08:43 am
ಕಾಸ್ರೋಡ್, ಮಾ.08: ತೋಟೆ ಪುಡದ್ ಸಾಂಕಿನ ನಾಯಿ ಸೈತಿನ ನಡಕೆ ಕಾಸ್ರೋಡ್‌ದ ಕುಂಬ್ಳೆ ಸ್ಟೇಶನ್ ಸೀಮೆದ ಪೇರೂರು ಮೀಪಿರಿಡ್ ನಡತ್‌ದ್ಂಡ್. ತೋಟೆ ದೀದಿತ್ತಿನ ಒರಿಯನ್ ಪೊಲೀಸೆರ್ ಕೈದ್ ಮಲ್ತಿತ್ತ್‌ದ್, ಜೀಪ್‌ನ್ ವಶೊಕು ಗೆತೊಂದೆರ್.
ಕುಂಡಂಗುಳಿದ ಉಣ್ಣಿಕೃಷ್ಣನ್ (48) ಕೈದಾತಿನ ಆರೋಪಿ. ಕಾಡ ಪಂಜಿಗ್ ತೋಟೆ ದೀದಿತ್ತೆಗೆ. ಪುಡಯಿನ ಸಬ್ದ ಕೇನ್ದ್ ಅಲ್ಪದಕುಲು ನಾಡ್‌ನಗ ನಾಯಿ ಸೈತ್ ಬೂರ್ದಿನ ತೋಜಿದಿತ್ತ್‌ದ್, ಶಂಕಿತ ರೀತಿಡ್ ಜೀಪ್ ಬೊಕ್ಕ ಒರಿಯನ್ ನಾಡ್ ಪತ್ತ್‌ದ್ ಕುಂಬ್ಳೆ ಪೊಲೀಸೆರೆಗ್ ಒಲವು ಕೊರ್ತೆರ್. ಜಾಗೆಗ್ ಬತ್ತಿನ ಪೊಲೀಸೆರ್ ಉಣ್ಣಿ ಕೃಷ್ಣನ್ ಬೊಕ್ಕ ಜೀಪ್‌ನ್ ವಶೊಕು ಗೆತೊಂದೆರ್.
ಆಯನ ಕೈರ್ದ್ ರಡ್ಡ್ ತೋಟೆಲೆನ್ ವಶೊಕು ಗೆತೊಂದೆರ್. ಪೇರೂರು ಮೀಪಿರಿದ ಭಾಸ್ಕರ ಪನ್ಪಿನಾರೆನ ಇಲ್ಲದ ಕೈತಲ್ ತೋಟೆ ಪುಡದಿತ್ತ್‌ದ್, ಆರ್ ಸಾಂಕಿನ ನಾಯಿ ಸೈದ್ಂಡ್. ಪಂಜಿದ ಬೋಂಟೆಗ್ ಸುಮಾರ್ ಪತ್ತ್ ಜನತ ಕೂಟ ಬತ್ತಿತ್ತ್ಂಡ್‌ಗೆ. ಒರಿನಕ್ಲೆನ ಬಗೆಟ್ ಪೊಲೀಸೆರ್ ಒಲವು ಒಟ್ಟುಮಲ್ತೊಂದೆರ್.