Last updated on March 5th, 2025 at 10:10 am
ಮಾ.04: ಕೋಡೆ ದುಬೈ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಂಡ್ ನಡತಿನ ICC Champions Trophy ದ ಸೆಮಿಫೈನಲ್ ಗೊಬ್ಬುಡು ಆಸ್ಟ್ರೇಲಿಯಾನ್ 4 ವಿಕೆಟ್‌ಡ್ ಸೋಪಾದ್ ಭಾರತ ಫೈನಲ್‌ಗ್ ಪೊಗ್ಗುದುಂಡು. ಈ ಮುಕೇನ ಬೆರಿಬೆರಿ ಮೂಜಿ ಸರ್ತಿ ಚ್ಯಾಂಪಿಯನ್ ಟ್ರೋಫಿದ ಫೈನಲ್ ಪೊಗ್ಗುನ ಸಾದಗೊ ಮಲ್ದ್ಂಡ್. ಈ ನಡುಟು ಭಾರತ ಕೂಟೊದ ಕ್ಯಾಪ್ಟನ್ ರೋಹಿತ್ ಶರ್ಮಾ ಇದಮುಟ್ಟ ಏರ್ಲಾ ಮನ್ಪಂದಿನ ಅಪರೂಪದ ದಾಖಲೆ ಒಂಜೆನ್ ಮಲ್ತ್‌ದೆರ್.
ಆಸ್ಟ್ರೇಲಿಯಾನ್ ಸೋಪಾದ್ ಫೈನಲ್‌ಗ್ ಪೋಪುನ ಮುಕೇನ ಐಸಿಸಿದ ಮಾತಾ ಟೂರ್ನಮೆಂಟ್‌ಲೆನ ಫೈನಲ್‌ಗ್ ತನ್ನ ಕೂಟೊನು ಕೊನೊದು ಪೋತಿನ ಕಡೀರ ಕ್ಯಾಪ್ಟನ್ ರೋಹೀತ್ ಶರ್ಮಾ ಆಯೆರ್. ರೋಹಿತ್ ಸುರುಕು 2023ತ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ದ ಫೈನಲ್‌ಗ್ ಭಾರತೊನು ಕೊನೊದಿತ್ತೆರ್. ಅವೆರ್ದ್ ಬೊಕ್ಕ ಅವ್ವೇ ವರ್ಸೊಡು ಏಕದಿನ ವಿಶ್ವಕಪ್‌ದ ಫೈನಲ್‌ಗ್ಲಾ ರೋಹಿತ್‌ನ ಕ್ಯಾಪ್ಟನ್ಸಿಡ್ ಭಾರತ ಪೋದಿತ್ತ್ಂಡ್. ಅವೆರ್ದ್ ಬೊಕ್ಕ 2024ತ T20 ವಿಶ್ವಕಪ್, ಇತ್ತೆ ಐಸಿಸಿ ಚಾಂಪಿಯನ್ಸ್ ಟ್ರೋಫಿದ ಫೈನಲ್‌ಗ್ ಎತ್ತ್‌ದ್ ಇದಮುಟ್ಟ ವಾ ಕ್ಯಾಪ್ಟನ್‌ಲಾ ಮನ್ಪೆರಾವಂದಿನ ರೆಕಾರ್ಡ್‌ನ್ ರೋಹಿತ್ ಶರ್ಮಾ ಮಲ್ದೆರ್.