Last updated on March 28th, 2025 at 02:00 pm
ಬಂಟ್ವಾಳ, ಮಾ.28: ಬಸ್ಸ್‌ಡ್ ಪೋವೊಂದಿತ್ತಿನ ಕಾಲೇಜ್‌ದ ಪೊಣ್ಣು ಒರ್ತಿಗ್ ಬೇತೆ ಧರ್ಮದಾಯೆ ಒರಿ ಲೈಂಗಿಕ ಕಿರುಕುಳ ಕೊರ್ತಿನ ಬಗೆಟ್ ಬಂಟ್ವಾಳ ಗ್ರಾಮಾಂತರ ಪೋಲೀಸ್ ಸ್ಟೇಷನ್‌ಡ್ ಒಯಿಲ್ ದಾಕಲಾತ್ಂಡ್. ಪುತ್ತೂರ್‌ರ್ದ್ ಕುಡ್ಲಗ್ ಪೋವೊಂದಿತ್ತಿನ ಸರ್ಕಾರಿ ಬಸ್ಸ್‌ಡ್ ಪೊಣ್ಣಗ್ ಲೈಂಗಿಕ ಕಿರುಕುಳ ಕೊರ್ತಿನ ಆರೋಪಿನ್ ಕಲ್ಲಡ್ಕಡ್ ಸ್ಥಳೀಯೆರ್ ಪತ್ತ್‌ದ್ ಪೊಲೀಸೆರೆಗ್ ಗುರುವಾರ ಬಯ್ಯಡ್ ಒಪ್ಯಾದೆರ್.
ಆರೋಪಿನ್ ನಾವೂರ ಗ್ರಾಮ ಪಂಚಾಯಿತಿ ಸದಸ್ಯೆ ಮಹಮ್ಮದ್ ಯಾನೆ ಮೋನು ಪನ್ದ್ ಗುರ್ತ ಪತ್ತ್‌ದೆರ್. ರಿಕ್ಷಾ ಡ್ರೈವರ್ ಆದುಪ್ಪುನ ಮಹಮ್ಮದ್ ಪುತ್ತೂರ್‌ರ್ದ್ ಬಿ. ಸಿ. ರೋಡ್ ಮುಟ್ಟ ಬಸ್‌ಡ್ ಬರೊಂದಿತ್ತೆ. ಈ ಪೊರ್ತುಡು ಸೀಟ್‌ಡ್ ಕುಲ್ದಿತ್ತಿನ ಪೊಣ್ಢನ ಮಿತ್ತಾ ಬೋಡು ಬೋಡೂಂದ್ ಬೂರ್ದ್ ಉಪದ್ರ ಕೊರ್ದಿತ್ತೆ. ಈ ಬಗೆಟ್ ಬಸ್ ಕಂಡಕ್ಟರ್‌ಗ್ ಪೊಣ್ಣು ತೆರಿಪಾದಲ್. ಕಂಡಕ್ಟರ್ ಆಯಗ್ ಸಮಟ್ ಇಪ್ಪೆರ ಪನ್ತೆರ್.
ಆರೋಪಿ ಪೊಣ್ಣಡ ತತ್ತ್‌ದ್ ನಡತೊಂದಿತ್ತ್‌ದ್ ನನ ದಾನ್ನ ತಿಕ್ಕ್‌ದ್ ಬೂರ್ವೆಂದಾನಗ ಪೋಡಿದ್ ಕಲ್ಲಡ್ಕಡ್ ಬಸ್‌ರ್ದ್ ಜತ್ತ್‌ದ್ ಬಲಿಪೆರ ತೂತೆ ,ಈ ಪೊರ್ತುಡು ಬಸ್‌ಡ್ ಇತ್ತಿನಕುಲು ತಿರ್ತ್ ಇತ್ತಿನಕ್ಲೆಡ ಆಯನ್ ಉಂತಾಯೆರ ಪನ್ತೆರ್. ಸ್ಥಳೀಯೆರ್ ಆಯನ್ ಪತ್ತ್‌ದ್ ಬಂಟ್ವಾಳ ನಗರ ಪೋಲೀಸ್ ಸ್ಟೇಷನ್‌ಗ್ ಒಪ್ಯಾದಿತಾತ್‌ದ್, ಆಯನ ಮಿತ್ತ್ ಪ್ರಕರಣ ದಾಕಲಾತ್ಂಡ್.