Last updated on March 6th, 2025 at 11:05 am
ಮಾರ್ಚ್ 8 ರ್ದ್ 15 ಮುಟ್ಟ ಇಟಲಿಡ್ ನಡಪೆರೆ ಉಪ್ಪುನ ಸ್ಪೆಷಲ್ ಒಲಿಂಪಿಕ್ಸ್ ವರ್ಲ್ಡ್ ವಿಂಟರ್ ಗೇಮ್ಸ್ 2025 ಗ್ ಭಾರತೊದ ಫ್ಲೋರ್‌ಬಾಲ್ ಟೀಮ್ಗ್ ತೊರತ್ತಲ್‌ ಪೊರಿಪುದ ನಿವಾಸಿ ಸೌಮ್ಯ ದೇವಾಡಿಗ ಮೇರ್ ಕೋಚ್ ಆದ್ ಅಜತ್ ಬತ್ತೆರ್.
ಈ ವಿಂಟರ್ ಗೇಮ್ಸ್‌ಡ್ ಭಾರತೀಯ ಕೂಟೊಡು ಕೋಚ್‌ನಕುಲು ಬೊಕ್ಕ ಕ್ರೀಡಾಪಟುಲು ಸೇರ್ದ್ 78 ಜನ ಪದುಕೆರ್ ಉಪ್ಪುವೆರ್. ತೊರತ್ತಲ್‌ದ ಲಯನ್ಸ್ ಸ್ಪೆಷಲ್ ಸ್ಕೂಲ್‌ಡ್ ಶಿಕ್ಷಕಿ ಆದುಪ್ಪುನ ಸೌಮ್ಯಾ ಅಂತರರಾಷ್ಟ್ರೀಯ ಕೋಚ್ ಆದ್ ಬೊಕ್ಕ ಫ್ಲೋರ್‌ಬಾಲ್‌ಡ್ ಭಾರತೊನು ಅಂತರರಾಷ್ಟ್ರೀಯ ಮಟ್ಟೊಡು ಪ್ರತಿನಿಧಿಪುನ ಕುಡ್ಲದ ಸುರುತ ಪೊಂಜೊವು ಕೋಚ್ ಆದ್ ಪಾಲ್ ಪಡೆಯೊಂದುಪ್ಪುನವು ತುಳುನಾಡ್‌ಗ್ ಪೆರ್ಮೆದ ಇಸಯ. ಈ ಮಲ್ಲ ಜಬದ್ದರಿಗ್ ಪಜ್ಜೆ ದೀವೊಂದುಪ್ಪುನ ಆರೆಗ್ ತುಳುಸಮಾಚಾರದ ಪರವಾದ್ ಎಡ್ಡೆಪ್ಪು ಬಯಕುವ.