ಸ್ಪೀಕರ್ ಖಾದರ್ ರಾಜ್ಯ ಸರಕಾರೊದ ಏಜೆಂಟ್ ಲೆಕ ಬೇಲೆ ಮಲ್ದೆರ್ – ಸಂಸದೆ ಚೌಟೆರ್

Last updated on March 30th, 2025 at 08:37 am

ಕುಡ್ಲ, ಮಾ. 29: ಸ್ಪೀಕರ್ ಖಾದರ್ ಶಾಸಕೆರೆನ್ ಸಸ್ಪೆಂಡ್ ಮಲ್ಪುನ ಮುಕೇನ ರಾಜ್ಯ ಸರಕಾರೊದ ಏಜೆಂಟ್ ಲೆಕ ಮಲ್ತೊಂದುಲ್ಲೆರ್ ಪನ್ದ್ ಸಂಸದೆ ಕ್ಯಾ. ಬ್ರಿಜೇಶ್ ಚೌಟೆರ್ ಆರೋಪ ಮಲ್ದೆರ್.

ಶನಿವಾರ ಸುದ್ದಿಗೋಷ್ಠಿಡ್ ಪಾತೆರ್ನ ಆರ್ ಬಿಜೆಪಿದ 18 ಜನ ಶಾಸಕೆರೆನ್ ಆಜಿ ತಿಂಗೊಳು ಅಮಾನತ್ ಮಲ್ತ್‌ದ್ ಸ್ಪೀಕರ್ ಯು.ಟಿ. ಖಾದರ್ ಮೇರ್ ಸರಕಾರೊದ ಏಜೆಂಟ್ ಲೆಕ ಬೇಲೆ ಮಲ್ದೆರ್. ಜನೊಕುಲು ಅಜತಿನ ಶಾಸಕೆರೆನ್ ಆಜಿ ತಿಂಗೊಳು ಸಸ್ಪೆಂಡ್ ಮಲ್ಪುನವು ಸರ್ವಾಧಿಕಾರಿ ನಿರ್ಧಾರ ಆದುಂಡು. ಶಾಸಕೆರೆ ಅಂಚೆನೇ ಅಕ್ಲೆನ ಕ್ಷೇತ್ರೊದ ಜನೊಕ್ಲೆನ ಧ್ವನಿನ್ ಅಡಿಕ್ ಪಾಡುವ ಪುನೆಪು, ಸುಸಂಸ್ಕೃತ ಜಿಲ್ಲೆಗ್ ಸೇರ್ದಿನ ಸ್ಪೀಕರ್ ಇಂಚಿನ ಹಾಲ್ ಸಂಪ್ರದಾಯ ಸುರು ಮಲ್ದಿನ ನಾಚಿಗೆ ಆವೊಡು ಪನ್ದ್ ಚೌಟೆ ಪನ್ಡೆರ್.