Last updated on March 8th, 2025 at 01:40 pm
ಬೊಲ್ತೇರ್ ಮಾ. 08: ರಾಷ್ಟ್ರೀಯ ಹಿಂದೂ ಜಾಗರಣಾ ವೇದಿಕೆ ಅಧ್ಯಕ್ಷೆ ಮಹೇಶ್ ಶೆಟ್ಟಿ ತಿಮರೋಡಿ ರೆನ ಮಿತ್ತ್ ಬೊಲ್ತೇರ್ ಪೋಲೀಸ್ ಸ್ಟೇಷನ್‌ಡ್ ಧರ್ಮಸ್ಥಳದ ಭಕ್ತೆರೆರ್ದ್ ಕೇಸ್ ದಾಕಲಾತ್ಂಡ್.
ಫೆಬ್ರವರಿ 8 ದಾನಿ ಬೊಲ್ತೇರ್‌ಡ್ ನಡತಿನ ಹಿಂದೂ ಸಮಾಜ ರಕ್ಷಣಾ ಕಾರ್ಯಕ್ರಮೊಡು ಮಹೇಶ್ ಶೆಟ್ಟಿ ತಿಮರೋಡಿ ದೇಲಂತಡೆದ ಬಗೆಟ್ ಜನೊಕ್ಲೆಡ ಅನುಮಾನ ಪುಟ್ಟಾವುನ ಪಾತೆರೊಲೆನ್ ಪನ್ಡ್‌ದ್ ಸಮಾಜೊಡು ಆಶಾಂತಿ ಉಂಡು ಮನ್ತ್‌ದೆರ್ ಪನ್ದ್ ಒಯಿಲ್‌ಡ್ ಬರೆಪಾದಿತ್ತ್‌ದ್, ಈ ಬಗೆಟ್ ಸ್ಟೇಶನ್‌ಡ್ ಎಫ್‌ಐಆರ್ ದಾಕಲಾತ್ಂಡ್.
ಅ್ಂದೆಕ್ ದುಂಬು ಕರ್ನಾಟಕ ಹೈಕೋರ್ಟ್ ತನ್ನ ಆದೇಶೊಡು, ಸಾರ್ವಜನಿಕ ಇನಯೊಲೆಡ್ ಬೊಕ್ಕ ಸಾಮಾಜಿಕ ಮಾಧ್ಯಮೊಲೆಡ್ ಡಾ. ಡಿ. ವೀರೇಂದ್ರ ಹೆಗ್ಗಡೆ, ಆರೆನ ಇಲ್ಲದಕುಲು, ಧರ್ಮಸ್ಥಳೊಗು ಸಂಬಂಧಿತಿನ ಸಂಸ್ಥೆಲು ಬೊಕ್ಕ ನನದ ಯೋಜನೆಲೆನ ಬಗೆಟ್ ಒವ್ವೇ ಅಪಪ್ರಚಾರ ಅತ್ತ್ಂಡ ಮಾನಹಾನಿ ಪಾತೆರೊಲೆನ್ ಪನಂದಿಲೆಕ ಆದೇಶ ಕೊರ್ದಿತ್ತ್ಂಡ್. ಆಂಡಲಾ ಮಹೇಶ್ ಶೆಟ್ಟಿ ತಿಮರೋಡಿ ಧರ್ಮಸ್ಥಳೊದ ಬಗೆಟ್ ಪಾತೆರ್ದಿತ್ತ್‌ದ್, ಕ್ಷೇತ್ರೊದ ಭಕ್ತೆರ್ ಬೊಲ್ತೇರ್ ಪೋಲೀಸ್ ಸ್ಟೇಷನ್‌ಡ್ ಒಯಿಲ್ ಬರೆಪಾದೆರ್.