Last updated on March 6th, 2025 at 06:40 am
17 ವರ್ಸದ, ರಡ್ಡನೇ ಪಿಯು ಕಲ್ಪುನ ದಿಗಂತ್ ಪನ್ಪಿನ ಆನ್ ತಪ್ಪಾದ್ ಪೋತಿನ ಕೇಸ್ ದಿನೊರ್ದು ದಿನ ಜಟಿಲ ಆವೊಂದುಂಡು. ಫೆಬ್ರವರಿ 25 ತಾರೀಕ್‌ರ್ದ್ ಕರ್ನಾಟಕ ಪೋಲೀಸೆರ್ ಟೀಮ್ ಮಲ್ತ್ ದಿಗಂತ್‌ನ್ ನಾಡೊಂದುಲ್ಲೆರ್. ಈ ಬಗೆಟ್ ಇತ್ತೆ ಕರ್ನಾಟಕ ವಿಧಾನಸಭೆತ ಸದನೊಡ್ಲಾ ಪಾತೆರಕತೆ ಬೈದ್ಂಡ್.
ಪಿಯು ಪರೀಕ್ಷೆಗ್ ಕಾಲೇಜಿರ್ದ್ ಹಾಲ್ ಟಿಕೆಟ್ ಪತೊಂದು ಬೈದಿನ ದಿಗಂತ್ ಇಲ್ಲಗ್ ಬತ್ತ್ ಬೊಕ್ಕ ದೇವಲ್ಯೊಗು ಪೋಪೆ ಪನ್ದ್ ಪೋತಿನಾಯೆ ಪಿರ ಬೈಜೆ. ಆಯನ ಮೊಬೈಲ್ ಬೊಕ್ಕ ಕಾರ್‌ಗ್ ಪಾಡ್ದಿನ ಮುಟ್ಟು ರೈಲ್ವೇ ಟ್ರಾಕ್‌ಡ್ ತಿಕ್ಕುದ್ಂಡ್. ಆಂಡ ಅಲ್ಪ 2ಕಿಮೀ ರೇಡಿಯಸ್‌ಡ್ ಮಾತಾ ದಿಕ್ಕ್‌ಡ್ ಏತ್ ನಾಡ್ಂಡಲಾ ಬೇತೆ ದಾಲಾ ತಿಕ್ಕಿಜಿ.
ಈ ಬಗೆಟ್ ಪಾಕ ಪ್ರತಿಭಟನೆಲು ನಡದ್ಂಡ್. ಪೋಲೀಸೆರ್ ಮೊಬೈಲ್‌ನ್ ಆಕ್ಸೆಸ್ ಮಲ್ತ್ ಕಾಲ್ ರೆಕಾರ್ಡ್ ಪೂರಾ ನಾಡ್ ಪತ್ತ್ ದ್ ಅವೆಟ್ ದಾಲಾ ಕ್ಲೂ ತಿಕ್ಕುಂಡಾ ಪನ್ದ್ ತೂವೊಂದುಲ್ಲೆರ್. ಈ ದಿಸೆಟ್ ವಿಧಾನಸಬೆಟ್ ಸ್ಪೀಕರ್ ಯು.ಟಿ ಖಾದರ್‌ಲಾ ಸರಕಾರೊಡು ಪ್ರಶ್ನೆ ಕೇನ್ದೆರ್.