Last updated on March 26th, 2025 at 03:15 pm
ದೆಲ್ಲಿ: ಹನಿಟ್ರ್ಯಾಪ್ ಕೇಸ್ ಕರ್ನಾಟಕ ಸೇರ್ದ್ ರಾಷ್ಟ್ರಮಟ್ಟೊಡು ಬಾರೀ ಸುದ್ದಿ ಮಲ್ತ್‌ದ್ಂಡ್. ಉಂದೆಕ್ ಸಂಬಂಧಿತ್‌ದ್ ವಿನಯ್ ಕುಮಾರ್ ಸಿಂಗ್ ಸಂದಾದಿತ್ತಿನ ಸಾರ್ವಜನಿಕ ಹಿತಾಸಕ್ತಿ ಅರ್ಜಿನ್ ಸುಪ್ರೀಂಕೋರ್ಟ್ ವಜಾ ಮಲ್ತ್‌ದ್ ಆದೇಶ ಕೊರ್ತುಂಡು.
ಸಚಿವೆ ಎನ್ ರಾಜಣ್ಣೆ ಮೇರ್ ಕರ್ನಾಟಕ ವಿಧಾನಸಭೆಟ್ ಪ್ರಸ್ತಾಪ ಮಲ್ತಿತ್ತಿನ ಹನಿಟ್ರ್ಯಾಪ್ ಪ್ರಕರಣೊದ ಅರ್ಜಿನ್ ಸುಪ್ರೀಂ ಕೋರ್ಟ್ ವಜಾ ಮಲ್ತ್‌ದ್ಂಡ್. ಉಂದೆತ ಜಡ್ತೆ ಆವೊಡು ಪನ್ದ್ ಜಾರ್ಖಂಡ್‌ದಾರ್ ಒರಿ ಅರ್ಜಿ ಪಾಡ್ದಿತ್ತೆರ್. ಈರ್ ಜಾರ್ಖಂಜ್‌ದಾರ್, ಈ ವಿಚಾರ ಕರ್ನಾಟಕದವು. ಈರೆಗ್ ದಾಯೆ ಉಂದೆತ ಮಂಡೆಬೆಚ್ಚ ಪನ್ದ್ ಪನ್ತಿನತ್ತಂದೆ, ಉಂದೊಂಜಿ (ರಾಜಣ್ಣನ) ರಾಜಕೀಯ ಪಾತೆರ. ಆ ಬಗೆಟ್ ಒಲ್ಪಲಾ ಒಯಿಲ್ ಬರೆಪಾದಿಜೆರ್. ಅಂಚಾದ್, ಈ ರಾಜಕಾರಣೊದ ನಾನ್‌ಸೆನ್ಸ್ ಲೆನ್ ಎಂಕುಲು ವಿಚಾರಣೆ ಮಲ್ಪುಜ ಪನ್ದ್ ಪನ್ತ್ಂಡ್. ಈ ಮುಕೇನ ಇನಿ ವಿಚಾರಣೆ ಮಲ್ತಿನ ನ್ಯಾಯಾಧೀಶೆರ್ ಅರ್ಜಿ ವಜಾ ಮಲ್ತ್‌ದ್. ಅರ್ಜಿ ಪಾಡಿನಕ್ಲೆಗ್ ಕ್ಲಾಸ್ ದೆತೊಂದೆರ್.