Last updated on March 29th, 2025 at 02:49 pm
ಇಂಚಿಪ ಮದಿಮೆ ಆಯಿನ ಲೋಕಸಭಾ ಸದಸ್ಯೆ ತೇಜಸ್ವಿ ಸೂರ್ಯೆ ಮೇರ್ ಬೊಡೆದಿ ಶಿವಶ್ರೀ ಮೆರೆನ ಒಟ್ಟುಗು ಭಾರತೊದ ಪ್ರಧಾನಿ ನರೇಂದ್ರ ಮೋದಿಯೆರೆನ್ ತಿಕ್ಕೆರ ಪೋದಿತ್ತೆರ್.
ಪೋಪಿನ ಪೊರ್ತುಡು ಸಂಸದೆರ್ ಪ್ರಧಾನಿಯೆರೆಗ್ ವಿಶೇಷ ಸೇಜನ್ಲಾ ಕೊನೊತೆರ್. WaferficheTM ಪನ್ಪಿನ ಅತ್ಯಾಧುನಿಕ ತಂತ್ರಜ್ಞಾನೊನು ಗಲಸ್‌ದ್ ಸಂರಕ್ಷಣೆ ಮಲ್ದಿನ, ಶ್ರೀ ಮಧ್ವಾಚಾರ್ಯೆರೆನ ಕಡೀರ ಶಿಷ್ಯೆ ಶ್ರೀ ಹೃಷಿಕೇಶ ತೀರ್ಥೆರ್ ಸುಮಾರ್ 750 ವರ್ಸೊಗು ದುಂಬು ತುಳುಲಿಪಿಟ್ ಬರೆತಿನ ತಾಡವೋಲೆದ ಒರುನು ಪ್ರಧಾನಿಯೆರೆಗ್ ಕೊರ್ಯೆರ್.
ಈ WaferficheTM ಪನ್ಪಿನ ತಂತ್ರಜ್ಞಾನ ಪೇಟೆಂಟ್ ಆತಿನ ಸೆಮಿಕಂಡಕ್ಟರ್ ಕಂಸ್ಟ್ರಕ್ಷನ್ ಟೆಕ್ನಿಕ್ ಆದುಂಡು. ಈ ತಂತ್ರಜ್ಞಾನ ಗಲಸ್‌ದ್ ಪನೊಲಿದ ಒಲಿಕ್ಲೆಡ್ ಬರೆದ್ ದೀತಿನ ಪಿರಾಕ್‌ದ ಗ್ರಂಥೊಲೆನ್ ಪಾಕ ವರ್ಸ ಮುಟ್ಟ ತೆಟ್ಟಂದಿ ಲೆಕ ದೀವೊಲಿ. ಈ ತಂತ್ರಜ್ಞಾನ ಸಿಲಿಕಾನ್‌ದ ಬಜೀ ತೆಲುಪುದ ಪಾಲೆಲೆನ್ (ಮೈಕ್ರಾನ್) ಬೇಸ್ ಆದ್ ಗಲಸುಂಡು, ಉಂದೆಟ್ ಬಂಗಾರ್ ಅತ್ತ್ಂಡ ಅಲ್ಯುಮಿನಿಯಂ‌ನ್ ಗಲಸ್‌ದ್ ಬರೆಪೆರ್. ಈ ತಂತ್ರಜ್ಞಾನೊರ್ದಾವರ ನಮ್ಮ ಪಿರಾಕ್‌ದ ಒಲವುಲೆನ್ ಸಾರಗಟ್ಲೆ ವರ್ಸ ಮುಟಾಟಲಾ ಸೂ, ನೀರ್ ತಾಗ್ಂಡಲಾ ದಾಲ ಆವಂದಿಲೆಕ ಜಾಗ್‌ರ್ತೆಡ್ ದೀವೊನೊಲಿ.
ತಾರಾ ಪ್ರಕಾಶನ ಈ ತಂತ್ರಜ್ಞಾನೊನು ಗಲಸ್‌ದ್ ಮಲ್ದಿನ ಪುಸ್ತಕೊನು ತೇಜಸ್ವಿ ಸೂರ್ಯೆ ಪ್ರಧಾನಿಯೆರೆಗ್ ಕೊರ್ಯೆರ್