ಕುಡ್ಲ : ದೊಂಗರೆಕೆರೆ ಕೆನರಾ ಸ್ಕೂಲ್‌ದ ಜಾಗೆ ವಕ್ಪ್ ಆಸ್ತಿ ; ವಕ್ಪ್ ಮಾಜಿ ಅಧ್ಯಕ್ಷೆ ಎನ್ ಕೆ ಎಂ ಶಾಫಿ ಸಾದಿ…!

Last updated on March 2nd, 2025 at 07:55 am

ಕುಡ್ಲ : ಅವು ವಕ್ಪ್ ಆಸ್ತಿ, ಉಂದು ವಕ್ಫ್ ಆಸ್ತಿ ಪನ್ದ್ ಮುಸ್ಲಿಂ ಮೌಲ್ವಿಲು ಪನೊಂದುಪ್ಪುನ ದಿನಕ್ಕೊಂಜಿ ವಿವಾದೊನು ಉಂಡು ಮಲ್ತೊಂದುಂಡು. ಕೋಡೆ ಓಶಿಯನ್ ಪರ್ಲ್‌ಡ್ ವಕ್ಫ್‌ಬಿಲ್ ಬಗೆಟ್ ಪತ್ರಿಕಾಗೋಷ್ಠಿ ಮಲ್ತಿತ್ತ್‌ದ್ ಈ ಪೊರ್ತುಡು ಕಚ್ಚಿ ಮೆಮನ್ ಪಲ್ಲಿ ವಕ್ಪ್ ಬೊಕ್ಕ ಕೆನರಾ ಶಾಲೆದ ಜಾಗೆ ವಕ್ಪ್ ಆಸ್ತಿ ಪನ್ದ್ ವಕ್ಫ್ ಮಾಜಿ ಅಧ್ಯಕ್ಷೆ ಎನ್ ಕೆ ಎಂ ಶಾಫಿ ಸಾದಿ ಪನ್ತೆರ್.

ಈ‌ ಜಾಗೆನ್ 100 ವರ್ಸೊಗು ಲೀಝ್‌ಗ್ ಕೊರೊಂದಿತ್ತೆರ್. ಈ ಜಾಗೆಗ್ ವರ್ಸೊಗು ಮೂಜಿ  ರೂಪಾಯಿ ಬಾಡಾಯಿ ವಕ್ಫ್‌ಗ್ ಕೊರೊಂದಿತ್ತೆರ್. ಆಂಡ ಕರಿನ 12 ವರ್ಸೊರ್ದು ಈ ಬಾಡಾಯಿ ಕಟ್ಟೊಂದಿಜ್ಜೆರ್. ಈ‌ ಜಾಗೆನ್ ಮುವಲ್ಲಿ ಮಾರ್ದೆರ್ ಪನ್ದ್ ಆರಾ ಪನ್ತೆರ್.

ಅಕ್ಲೆನ ಮಿತ್ತ್ ಕಾನೂನು ಕ್ರಮ ಗೆತೊಂದುಂಡು. ಆಂಡ ಇತ್ತೆ ಈ‌ ಜಾಗೆ‌ದ ಬಗೆಟ್ ವಕ್ಫ್ ಇಲಾಖೆ ಸೊರ ದೆರ್ತ್ಂಡ ದಾದ ಆವು, ಪನ್ದ್ ಕುಡ್ಲಡಾ ವಕ್ಫ್  ಮಾಜಿ ಅಧ್ಯಕ್ಷೆ ಎನ್ ಕೆ ಎಂ ಶಾಫಿ ಸಾದಿ ಪನ್ತೆರ್.