Last updated on March 1st, 2025 at 03:20 pm
ಕೊಣಾಜೆ: ಕೊಣಾಜೆ ಪೊಲೀಸ್ ಸ್ಟೇಶನ್ ಸೀಮೆದ ನರಿಂಗಾನ ಗ್ರಾಮೊದ ತೌಡುಗೋಳಿ ಜಂಕ್ಷನ್‌ದ ಒಂಜಿ ಅಂಗಡಿರ್ದ್ ಪಣವು ಬೊಕ್ಕ ಸೊತ್ತುಲೆನ್ ಕಂಡ್‌ದಿನ ನಡಕೆ ಶುಕ್ರವಾರ ರಾತ್ರೆ ನಡತ್‌ದ್ಂಡ್. ಕಲ್ವೆದ ನಡಕೆ ಸಿಸಿಟಿವಿ ಕ್ಯಾಮರಾಡ್ ಕೈದಾತ್ಂಡ್.
ತೌಡುಗೋಳಿದ ವಸಂತ ಪನ್ಪಿನಾರೆನ ಅಂಗಡಿಗ್ ರಾತ್ರೆ ಸುಮಾರ್ ರಡ್ಡರೆ ಗಂಟೆ‌ಗ್ ರಾಡ್ ಪತೊಂದು ಬತ್ತಿನ ಕಲ್ವೆ ಮೆಟಲ್ ಬಾಕಿಲ್‌ಗ್ ಪಾಡ್ದಿನ ಬೀಗೊನು ಪುಡತ್‌ದ್ ಉಲಯಿ ಪೊಗ್ಗುದೆ. ಅಲ್ತ್‌ರ್ದ್ ಕ್ಯಾಶ್ ಕೌಂಟರ್ ಇತ್ತಿನ ಅದೆತ ಮರತ ಬಾಕಿಲ್‌ದ ಬೀಗ ಪುಡಪೆರ ಸುಮಾರ್ ಅರ್ಧ ಗಂಟೆ ಪುಡೆರ್‌ದೆ.
ಸುಮಾರ್ ಪತ್ತ್ ಸಾರ ರೂ. ಕ್ಯಾಶ್ ಅಂಚೆನೇ 15 ಸಾರ ರೂ. ಮೌಲ್ಯೊದ ಸಿಗರೇಟ್ ಬಂಡಲ್, ಗುಟ್ಕಾ ಪ್ಯಾಕೇಟ್‌ಲು, ಚಾದ ಪೊಡಿ, ತೆನಸ್ ಸೊತ್ತುಲು ಸೇರ್ದ್ ಸುಮಾರ್ ನಲ್ಪ ಸಾರ ರೂಪಾಯಿ ಮೌಲ್ಯೊದ ಸೊತ್ತುಲೆನ್ ಒಂಜಿ ಚೀರಾವುಡು ದಿಂಜಾವೊಂದು ಕೊನೊತೆ.
ಕಲ್ವೆ ಅಂಗಡಿಗ್ ಪೊಗ್ಗಿಬೊಕ್ಕ ಪಾಡ್ದಿನ ಟೀಶರ್ಟ್‌ನ್ ದೆತ್ತ್‌ದ್, ಕ್ಯಾಶ್ ಕೌಂಟರ್‌ದ ಮುಟ್ಟ ಬನ್ನಗ ಐಟೇ ಮೋನೆ ಮುಚೊಂದೆ.
ಕೊಣಾಜೆ ಪೊಲೀಸೆರ್ ಪರಿಶೀಲನೆ ಮಲ್ತ್‌ದ್ ಕೊಣಾಜೆ ಸ್ಟೇಶನ್‌ಡ್ ಪ್ರಕರಣ ದಾಕಲ್ತೊಂದೆರ್. ಆರೋಪಿನ್ ನಾಡ್ ಪತ್ತುನ ಬೇಲೆ ನಡತೊಂದುಂಡು.