Last updated on March 24th, 2025 at 12:52 pm
ಬೆಂಗಳೂರು, ಮಾ. 24: ಇಟ್ಟಿಗೆ ಬೊಕ್ಕ ಮರತ ತುಂಡುಗು ಬಂಗಾರ್ದ ಒಪ್ಪ ಪಾಡ್ದ್ ಮಾರ್ಯೆರ ತೂವೊಂದಿತ್ತಿನ ಬಿಹಾರ ಮೂಲೊದ ಮೂವೆರ್ ಆರೋಪಿಲೆನ್ ಬೆಂಗಳೂರ್‌ದ ಕೋರಮಂಗಲಡ್ ಸಿಸಿಬಿ ಪೊಲೀಸೆರ್ ಕೈದ್ ಮಲ್ದೆರ್.
ಕೈದಾತಿನಕಲೆನ್ ರಬಿಕುಲ್ ಇಸ್ಲಾಂ, ಇದ್ದಿಶ್ ಅಲಿ, ಅನ್ವರ್ ಹುಸೇನ್ ಪನ್ದ್ ಗುರ್ತ ಪತ್ತ್‌ದೆರ್.
ಕೊಪ್ಪರಿಗೆದ ಕಥೆ: ಇಲ್ಲಡ್ ಪಾಯ ದೆಪ್ಪುನಗ ಕೊಪ್ಪರಿಗೆ ತಿಕ್ಕ್‌ದ್ಂಡ್ ಪನ್ದ್ ಆರೋಪಿಲು ಕಥೆ ಕಟ್ಟ್‌ದೆರ್. ಅತ್ತಂದೆ, ಮಾರ್ಕೆಟ್ ರೇಟ್‌ದ ಅರ್ಧಗ್ ಬಂಗಾರ್ ಕೊರ್ಪ ಪನ್ದ್ ಪನೊಂದಿತ್ತೆರ್. ಮರತ ಪಲಯಿ ಅಂಚೆನೇ ಇಟ್ಟಿಗೆಗ್ ಬಂಗಾರ್ದ ಒಪ್ಪ ಪಾಡ್ದ್ ದಗೆ ಮಲ್ತೊಂದಿತ್ತೆರ್.
ಅಕುಲು ಕೊರೊಂದುಪ್ಪುನ ಒರಿಜಿನಲ್ ಬಂಗಾರ್ ಪನ್ದ್ ನಂಬಾಯೆರ ಆರೋಪಿಲು ಸುರುಕು ಒಂಜಿ ರಡ್ಡ್ ಗ್ರಾಂ ಒರಿಜಿನಲ್ ಬಂಗಾರ್ ಕೊರ್ಪೆದೆರ್. ಒರ ಜನ ನಂಬಿನೇ ಒಪ್ಪ ಪಾಡಿನ ಬಂಗಾರ್ ಮಾರ್ಯೆರ ತೂತೆರ್. ಬಂಗಾರ್ ಗೆತೊನ್ರ ಅಕುಲು ಪನ್ಡಿನ ಜಾಗೆಗ್ ಬರ್ಯೆರ ಪನ್ಡ್‌ದ್ ಗಡೀ ಗಡಿ ಲೊಕೇಷನ್ ಪಗತೊಂದಿತ್ತೆರ್. ಈ ಬಗೆಟ್ ಸಿಸಿಬಿ ಪೊಲೀಸೆರೆಗ್ ಪತ್ತ ಒಲವು ಇತ್ತ್ಂಡ್. ಅವೆತ ಆಧಾರೊಡು ಕೋರಮಂಗಲಡ್ ದಾಳಿ ಮಲ್ತ್‌ದ್ ಮೂವೆರೆನ್ ಕೈದ್ ಮಲ್ತ್‌ದೆರ್. ಕೈದಾತಿನಕ್ಲೃರ್ದ್ 970 ಗ್ರಾಂ ನಕಲಿ ಬಂಗಾರ್, ಒಂಜಿ ಗಾಡಿ, ಮೂಜಿ ಮೊಬೈಲ್ ವಶೊಕು ಗೆತೊಂದೆರ್.