Last updated on March 11th, 2025 at 02:07 pm
ಕುಡ್ಲ, ಮಾ.11: ಪಿಲಿಕುಳ ಜೈವಿಕ ಉದ್ಯಾನವನೊಟು ಇಪ್ಪುನ ರಾಣಿ ಪುದರ್‌ದ ಪಿಲಿ ರಡ್ಡ್ ಕಿನ್ನಿಲೆನ್ ದೀದಿತ್ತ್‌ದ್, ಉದ್ಯಾನವನೊತ ಪಿಲಿಕ್ಲೆನ ಸಂಖ್ಯೆ 10 ಕ್ಕ್ ಏರ್ದ್ಂಡ್. ಒಂಜಿ ಆಣ್ ಬೊಕ್ಕ ಒಂಜಿ ಪೊಣ್ಣು ಕಿನ್ನಿಲೆಗ್ ಇತ್ತೆ ರಡ್ಡ್ ತಿಂಗೊಳು ಆದಿತ್ತ್‌ದ್, ಎಡ್ಡೆ ಆರೋಗ್ಯವಾದ್ ಉಲ್ಲ.
ರಾಣಿ ಪಿಲಿ 2016 ಟ್ ಐನ್ ಕಿನ್ನಿ ದೀದ್ ದಾಖಲೆ ಮಲ್ತಿತ್ತಲ್, ಬೊಕ್ಕ 2021 ಟ್ ಕುಡ ಮೂಜಿ ಕಿನ್ನಿ ದೀದಿತ್ತಲ್. ಇತ್ತೆ ಈ ರಡ್ಡ್ ಕಿನ್ನಿಲು ಸೇರ್ದ್, ರಾಣಿ 10 ಜೋಕುಲೆನ ಅಪ್ಪೆ ಆತೊಲು.
ಪ್ರಾಣಿ ಪಗತೆ ಪ್ರಾಜೆಕ್ಟ್‌ಡ್ 2016 ಟ್ ಬನ್ನೇರುಘಟ್ಟ ಜೈವಿಕ ಉದ್ಯಾನವನೊರ್ದು ರಾಣಿನ್ ಪಿಲಿಕುಳಗ್ ಕನತಿತ್ತೆರ್, ಅವೆತ ಪಗತೆಗ್ ಪಿಲಿಕುಳರ್ದ್ ಒಂಜಿ ಆಣ್ ಪಿಲಿನ್ ಬನ್ನೇರುಘಟ್ಟಗ್ ಕೊರ್ದಿತ್ತೆರ್.
2023-24 ತ CZA ಡೇಟಾದ ಪ್ರಕಾರ, ಪಿಲಿಕುಳಡ್ ಭಾರತೊದ ಮಾತಾ ಮೃಗಾಲಯೊಲೆಡ್ ಮಾತೆರ್ದ್ ಎಚ್ಚಿನ ಪ್ರಾಣಿ ಸಂತಾನೋತ್ಪತ್ತಿ ರೇಟ್ ಉಂಡು, ಜನನ ಪ್ರಮಾಣ 36.47% ಬೊಕ್ಕ ಮರಣ ಪ್ರಮಾಣ 3.99% ತೂನಗ, ಮೃಗಾಲಯೊಡು ಜನನೊದ ರಾಷ್ಟ್ರೀಯ ಸರಾಸರಿ 8.14% ಇತ್ತ್ಂಡ, ಮರಣ ಪ್ರಮಾಣ 5.81% ದಾತ್ ಉಂಡು.