ತುಳುಕು ಪ್ರತ್ಯೇಕ ರಾಜ್ಯ ರಚನೆ ಆವೊಡು : ಹರಿಕೃಷ್ಣ ಪುನರೂರು

Last updated on March 11th, 2025 at 07:43 am

ಕುಡ್ಲ : ಸಂವಿಧಾನದ 8ನೇ ಪರಿಚ್ಛೇದೊಗು ತುಳು ಗೋಡ್ಯೊಡು ಅವೆತೊಟ್ಟುಗು ತುಳುಕು ಪ್ರತ್ಯೇಕ ರಾಜ್ಯ ರಚನೆ ಆವೊಡು ಪನ್ದ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೇರ್ ಪನ್ಡೆರ್. ತುಳುಕೂಟ ಕುಡ್ಲದಕಲೆನ 50ನೇ ವರ್ಸದ ಲೆಕ್ಕೊಡು “ಬಂಗಾರ್ ಪರ್ಬ” ಸಮಿತಿ ಐತಾರ ಕುಡ್ಲಡ್ ಆಯೋಜನೆ ಮಲ್ದಿನ ಲೇಸ್ ನ್ ಉದಿಪಮ ಮಲ್ತ್ ಪಾತೆರಿನ ಆರ್, ಗೋವಾ ಪ್ರತ್ಯೇಕ ರಾಜ್ಯ ಆವೊಲಿ ಪನ್ದಾಂಡ ತುಳುನಾಡ್ ದಾಯೆಗ್ ಆವರೆ ಬಲ್ಲಿ ಪನ್ದ್ ಪನ್ಡೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆ ಎ.ಸಿ ಭಂಡಾರಿ, ಕರಾವಳಿ ಬರವುಗಾರ್ತಿಲೆನ ಸಂಘದ ಅದ್ಯಕ್ಷೆರಾಯಿನ ಶಕುಂತಳಾ ಶೆಟ್ಟಿ, ಜಿಲ್ಲಾ ಕಾಂಗ್ರೇಸ್ ಅಧ್ಯಕ್ಷೆ ಹರೀಶ್ ಕುಮಾರ್, ಕುದ್ರೋಳಿ ದೇವಲ್ಯದ ಕೋಶಾಧಿಕಾರಿ ಪದ್ಮರಾಜ್, ಮರೋಳಿ ಸೂರ್ಯನಾರಾಯಣ ದೇವಲ್ಯದ ಗಣೇಶ್ ಶೆಟ್ಟಿ, ಜಿಲ್ಲಾ ಮೂರ್ತೆದಾರೆರೆನ ಮಹಾಮಂಡಲದ ನಿರ್ದೇಶಕೆ ವಿಜಯ ಕುಮಾರ್ ಸೊರಕೆ, ಆತ್ಮಶಕ್ತಿ ವಿವಿದೋದ್ದೇಶ ಸಹಕಾರಿ ಸಂಘದ ಅಧ್ಯಕ್ಷೆ ಚಿತ್ತರಂಜನ್ ಬೋಳಾರ್, ಹರಿಕಥಾ ಪರಿಷತ್ ಅಧ್ಯಕ್ಷೆರಾಯಿನ ಮಹಾಬಲ ಶೆಟ್ಟಿ, ತುಳುಕೂಟದ ಉಪಾಧ್ಯಕ್ಷೆರಾಯಿನ ಪದ್ಮನಾಭ ಕೋಟ್ಯಾನ್ ಪ್ರಧಾನ ಕಾರ್ಯದರ್ಶಿ ವರ್ಕಾಡಿ ರವಿ ಅಲೆವೂರಾಯ ಪೂರಾ ಇತ್ತೆರ್.

ತುಳು ಕೂಟದ ಅಧ್ಯಕ್ಷೆ ಹೇಮಾ ದಾಮೋದರ ನಿಸರ್ಗ ಅಧ್ಯಕ್ಷತೆ ವೈಸೊಂದಿತ್ತೆರ್. ಉಪಾಧ್ಯಕ್ಷೆರಾಯಿನ ಜೆ.ವಿ ಶೆಟ್ಟಿ ಸ್ವಾಗತ ಮಲ್ದೆರ್. ಭಾಸ್ಕರ್ ರೈ ಕುಕ್ಕುವಳ್ಳಿ ಲೇಸ್ ನಿರೂಪಣೆ ಮಲ್ತೆರ್.