Last updated on March 26th, 2025 at 10:45 am
ಕಡಬ, ಮಾ. 26: ಮಧ್ಯಾಹ್ನ ವನಸ್ ಮಲ್ತ್‌ದ್ ಜೆತ್ತಿತ್ತಿನ ಬಾಲೆ ನಿಗೂಢವಾದ್ ತೀರ್ದಿನ ನಡಕೆ ಕಡಬ ತಾಲೂಕ್‌ದ ಕೊಣಾಜೆ ಗ್ರಾಮೊದ ಮಾಲ ಪನ್ಪಿನಲ್ಪ ಅಂಗಾರೆ ನಡತ್‌ದ್ಂಡ್.
ತೀರ್ದಿನ ಬಾಲೆನ್ ಕೊಣಾಜೆ ಮಾಲ ನಿವಾಸಿ ಲಿಂಡೋರಾಜ್ ಪನ್ಪಿನಾರೆನ ತೋಟೊಡು ಬೇಲೆ ಮಲ್ತೊಂದಿತ್ತಿನ ಉತ್ತರ ಪ್ರದೇಶ ಮೂಲೊದ ರಾಜಾ ಸಿಂಗ್ ಬೊಕ್ಕ ದಿವ್ಯಾಂಶಿ ಸಿಂಗ್ ದಂಪತಿಲೆನ ರಡ್ಡರೆ ವರ್ಸೊದ ಮಗೆ ರುದ್ರ ಪ್ರತಾಪ್ ಸಿಂಗ್ ಪನ್ದ್ ಗುರ್ತ ಪತ್ತ್‌ದೆರ್.
ಬಾಲೆಗ್ ಮಧ್ಯಾಹ್ನ ವನಸ್ ಮಲ್ಪಾದ್ ಜೆಪ್ಪುಡ್ದಿತ್ತೆರ್, ಬಯ್ಯಡ್ ಬಾಲೆನ್ ಲಕ್ಕಾಯೆರ ಪೋನಗ ಬಾಲೆ ಲಕ್ಕಂದಿನೆನ್ ತೂದು ಅಪ್ಪಗನೇ ಕಡಬದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಸ್ಪತ್ರೆಡ್ ಬಾಲೆ ತೀರ್ದ್ಂಡ್ ಪನ್ದ್ ಬೈದ್ಯೆರ್ ದೃಢ ಮಲ್ತ್‌ದೆರ್. ಬಾಲೆ ತಿನ್ತಿನವು ತಿಕಲೊಂದಾ ಅತ್ತ್ ಒವ್ವಾ ಸೀಕ್‌ಡ್ ತೀರ್ದುಪ್ಪು, ಬಾಲೆದ ಮರಣೊಡು ದಾಲ ಸಂಶಯ ಇಜ್ಜಿ ಪನ್ದ್ ಅಪ್ಪೆ ದಿವ್ಯಾಂಶಿ ಸಿಂಗ್ ಕೊರ್ತಿನ ಒಯಿಲ್‌ದ ಪ್ರಕಾರ ಉಬಾರ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.