Last updated on March 3rd, 2025 at 08:45 am
ಪುತ್ತೂರು ಮಾ. 2: ಕೆಎಸ್‌ಆರ್‌ಟಿಸಿ ಬಸ್ಸ್‌ಗ್ ಆಟೋ ರಿಕ್ಷಾ ಒಂಜಿ ಎಡ್ತ್‌ದ್ ರಿಕ್ಷಾಡ್ ಇತ್ತಿನ ಅಪ್ಪೆ ಬಾಲೆ ಇರ್ವೆರ್ ತೀರ್ದ್ ಮೂವೆರೆಗ್ ಗಾತಿದ ಗಡಿಕುಲಾತಿನ ದಾರುಣ ನಡಕೆ ಪುತ್ತೂರು ಮಂಜಲ್ಪಡ್ಪು ಪನ್ಪಿನಲ್ಪ ಮಾಣಿ-ಮೈಸೂರು ರಾಷ್ಟ್ರೀಯ ಪೆರ್ಸಾದಿಡ್ ಐತಾರ ಬಯ್ಯಡ್ ನಡತ್‌ದ್ಂಡ್.
ತೀರ್ದಿನಕಲೆನ್ ಜಮೀಲಾ(49) ಬೊಕ್ಕ ತಮ್ಸಿರ್(5) ಪನ್ದ್ ಗುರ್ತ ಪತ್ತ್‌ದೆರ್. ಕುಡ್ಲರ್ದ್ ಪುತ್ತೂರ್‌ಗ್ ಬರೊಂದಿತ್ತಿನ ಕೆಎಸ್‌ಆರ್‌ಟಿಸಿ ಬಸ್ಸ್‌ಗ್ ಪುತ್ತೂರ್‌ರ್ದ್ ಕಬಕ ದಂಚಿ ಕೆದಂಬಾಡಿ ಗ್ರಾಮೊದ ಮಹಮ್ಮದ್ ಪನ್ಪಿನಾರ್ ಬುಡೊಂದು ಪೋವೊಂದಿತ್ತಿನ ರಿಕ್ಷಾ ಎಡ್ತ್‌ದ್ಂಡ್. ಎಡ್ತೆದ ಬರಸ್‌ಗ್ ರಿಕ್ಷಾ ಕಬ್ಬೆ ಬೂರ್ದ್, ಬಸ್‌ದ ಟಯರ್‌ದಡಿಕ್ ಬೂರ್ದು ಅವೆಟ್ ಇತ್ತಿನ ಜಮೀಲಾ(49) ಬೊಕ್ಕ ತಮ್ಸಿರ್(5) ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ರಿಕ್ಷಾ ಡ್ರೈವರ್ ಮಹಮ್ಮದ್‌ಗ್ ಗಾತಿದ ಗಡಿಕುಲಾತ. ನಡಕೆಗ್ ಸಂಬಂಧಿ‌ತ್‌ದ್ ಪುತ್ತೂರು ಟ್ರಾಫಿಕ್ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.