ಕುಡ್ಲ – ಮುಂಬೈ ವಂದೇಭಾರತ್ ರೈಲ್ ಗಿಟ್ಟ! ಒಡಿಪುದ ಸಂಸದೆ ಕೋಟ ಶ್ರೀನಿವಾಸ ಪೂಜಾರ್ಲು ಕೊರಿನ ಮನವಿಗ್ ರೈಲ್ವೇ ಸಚಿವೆರೆನ ಭರವಸೆ!

Last updated on March 18th, 2025 at 10:59 am

ಕುಡ್ಲ – ಮುಂಬೈದ ನಡುಟು ವಂದೇಭಾರತ್ ರೈಲ್ ಬುಡೊಡು ಪನ್ಪಿನ ಬೇಡಿಕೆ ಪಾಕ ದಿನೊರ್ದು ಉಂಡು. ಈ ಬಗೆಟ್ ಒಡಿಪು ಸಂಸದೆರಾಯಿನ ಕೋಟ ಶ್ರೀನಿವಾಸ ಪೂಜಾರ್ಲು ರೈಲ್ವೇ ಸಚಿವೆರೆಗ್ ಮನವಿ ಮಲ್ದಿತ್ತೆರ್. ಕುಡ್ಲ- ಗೋವಾಗ್ ಉಪ್ಪುನ ರೈಲ್ ನ್ ಮುಂಬೈ ಮುಟ್ಟ ಕೊನೊಡು ಪನ್ದ್ ಆರ್ ಮಲ್ದಿನ ಮನವಿಗ್ ರೈಲ್ವೇ ಸಚಿವೆ ಅಶ್ವಿನ್ ವೈಷ್ಣವ್ ಎಡ್ಡೆ ಸ್ಪಂದನೆ ಮಲ್ದೆರ್ ಪನ್ದ್ ತೆರಿದ್ ಬೈದ್ಂಡ್.

ಇತ್ತೆ ಕುಡ್ಲರ್ದ್ ಗೋವಾದ ಮಡಗಾಂಗ್ ವಂದೇಭಾರತ್ ಉಂಡು ಆಂಡ ಈ ರೈಲ್ ಡ್ ಜನಕುಲು ಕಮ್ಮಿ ತಿರ್ಗುನೆರ್ದಾವರ ಉಂದು ಕ್ಯಾನ್ಸಲ್ ಆಪಿನ ಅಟ್ಟನೆಲಾ ಉಂಡು. ಉಂದೆನ್ ಕೇರಳ ಮುಟ್ಟ ಕೊನೊಡು ಪನ್ಪಿನ ಡಿಮಾಂಡ್ ಉಪ್ಪುನಗ ಇತ್ತೆ ಕುಡ್ಲರ್ದ್ ಮುಂಬೈ ಮುಟ್ಟ ಆ ರೈಲ್ ಬುಡೊಡು ಪನ್ದ್ ಗಟ್ಟಿ ಬೇಡಿಕೆ ಬೈದ್ಂಡ್. ಈ ದಿಸೆಟ್ ಬೋಡಾಪಿನ ಕ್ರಮ ದೆತೊನರೆ ರೈಲ್ವೇ ಸಚಿವೆರ್ ಅಧಿಕಾರಿಲೆಗ್ ತೆರಿಪಾದೆರ್.