Last updated on March 30th, 2025 at 01:21 pm
ಜಿಬ್ಲಿ ಎಫೆಕ್ಟ್ ಸಾಮಾಜಿಕ ಮಾಧ್ಯಮೊಲೆಡ್ ಭಾರೀ ಸಂಚಲನ ಉಂಡು ಮಲ್ದ್ಂಡ್. ಸ್ಟುಡಿಯೋ ಜಿಬ್ಲಿ ಪನ್ಪಿನ ಅನಿಮೇಷನ್ ಸ್ಟುಡಿಯೊರ್ದ್ ಉಮೇದ್ ಗೆತೊಂದು AI ಉಂಡು ಮಲ್ದಿನ ಪಟೊಕುಲೆನ್ ಅಂಚೆನೇ ಕಲಾಕೃತಿಲೆನ್ ಜನ ಒರ್ಮೆಲಾ ಪಟ್ಟೊಂದುಲ್ಲೆರ್. ಉಂದು ಜನೊಕ್ಲೆಡ ಉತ್ಸಾಹ ದಿಂಜಾವುನೆತ ಒಟ್ಟುಗು ವಿವಾದೊನ್ಲಾ ಉಂಡು ಮಲ್ದ್ಂಡ್. ಉಂದು AI ತಂತ್ರಜ್ಞಾನ ಬೊಕ್ಕ ಬಾರೀ ಪುಗರ್ತೆದ ಜಪಾನ್‌‌ದ ಜಿಬ್ಲಿ ಸ್ಟುಡಿಯೊದ ಕಲಾತ್ಮಕ ಶೈಲಿನ್ ಒಟ್ಟುಗೋಡ್ಯಾದ್ ಪೊರ್ಲುದ ಪಟೊಕುಲೆನ್ ಬುಡ್ಪಾವುಂಡು.
ಜಿಬ್ಲಿ ಎಫೆಕ್ಟ್ ಪನ್ಡ ವಿಶಿಷ್ಟವಾಯಿನ ಅನಿಮೇಷನ್ ಎಫೆಕ್ಟ್ ಅಂಚೆನೇ ಉಂದು ಸ್ಟುಡಿಯೋ ಜಿಬ್ಲಿಡ್ ಗಲಸುನ ಭಾವನಾತ್ಮಕ ಕಥೆ ಕಟ್ಟುನ ತಂತ್ರೊಲಾ ಆದುಂಡು. ಉಂದೆನ್ 1985ಡ್ ಹಯಾವೊ ಮಿಯಾಜಾಕಿ, ಇಸಾವೊ ಟಕಾಹಟಾ ಬೊಕ್ಕ ತೋಶಿಯೊ ಸುಜುಕಿ ಸುರು ಮಲ್ತಿತ್ತೆರ್.
ಸ್ಟುಡಿಯೋ ಜಿಬ್ಲಿ ಜಪಾನ್ ದೇಶೊದ ಬಾರೀ ಪುಗರ್ತೆದ ಅನಿಮೇಷನ್ ಸ್ಟುಡಿಯೋ. ಉಂದು ಕೈಟ್ ಬುಡ್ಪಾದಿನ ಅನಿಮೇಷನ್ ಚಿತ್ರೊಲೆಗ್ ಪುದರಾದುಂಡು. ಮೈ ನೈಬರ್ ಟೊಟೊರೊ, ಸ್ಪಿರಿಟೆಡ್ ಅವೇ, ಹೌಲ್ಸ್ ಮೂವಿಂಗ್ ಕ್ಯಾಸಲ್, ಪ್ರಿನ್ಸೆಸ್ ಮೊನೊನೊಕ್‌ ಇಂಚಿನ ಕಾರ್ಟೂನ್(ಆ್ಯನಿಮೇ) ಮೂವೀಲೆಡ್ ಈ ಎಫೆಕ್ಟ್‌ನ್ ಯಶಸ್ವಿಯಾದ್ ಗಲಸ್‌ದೆರ್.
OpenAIನ GPT-4o ತನ್ನ ಯೂಸರ್ಸ್‌ಗ್ ಜಿಬ್ಲಿ ಶೈಲಿದ ಚಿತ್ರೊಲು ಸೇರ್ದ್ ಬೇತೆ ಶೈಲಿದ ಚಿತ್ರೊಲೆನ್ ರಚಿಪುನ ಮಾಡೆಲ್‌ನ್ ಬುಡ್ತುಂಡು. ಇತ್ತೆ ಸಾಮಾಜಿಕ ಬಲೆತ್ತಾನೊಡು ಈ ಜಿಬ್ಲಿ ಶೈಲಿದ ಚಿತ್ರೊಲು ಟ್ರೆಂಡಿಂಗ್‌ಡ್ ಉಲ್ಲ.
AI ಬುಡ್ಪಾವುನ ಜಿಬ್ಲಿ ಕಲೆ ವೈರಲ್ ಆವೊಂದಿತ್ತಿಲೆಕನೆ, ಹಯಾವೊ ಮಿಯಾಝಾಕಿ ಮೆರೆನ ದುಂಬುದ ಸಂದರ್ಶನ ಒಂಜಿ ಎದುರ್ನಿಲೆಕ್ ಬತ್ತಿತ್ತ್‌ದ್ ಅನಿಮೇಷನ್‌‌ಡ್ AI ಗಲಸುನೆಕ್ ಟೀಕೆ ಮಲ್ತಿತ್ತೆರ್. AI ಮಲ್ಪುನ ಅನಿಮೇಷನ್‌ನ್ ‘ಜೂವನೊಗು ಅವಮಾನʼ ಪನ್ದ್ ಲೆತ್ತಿನ ಮಿಯಾಝಾಕಿ, ನಿಜವಾದ ಕಲೆ ಏಪೊಗುಲಾ ನರಮಾನ್ಯನ ಅನುಭವ ಬೊಕ್ಕ ಭಾವನೆಲೆರ್ದ್ ಬರೊಡು ಪನ್ದ್ ಪನ್ದಿತ್ತೆರ್.
ಈತ್ ಓದುದು, ಆಂಡಲಾ ಎಂಕೊರ ಜಿಬ್ಲಿ ಎಫೆಕ್ಟ್ ಗಲಸ್‌ದ್ ತೂವೊಡು ಪನ್ಪಿನಕುಲೆಗ್ ನನ ತಿರ್ತ್ ಓದೊಲಿ.
ಉಂದೆಕ್ ದುಂಬೇ ಜಿಬ್ಲಿ ಎಫೆಕ್ಟ್ ಬೇತೆ AI ಲೆಡ್ ಮಲ್ಪೆರ ಆವೊಂದಿತ್ತ್ಂಡಲಾ ಇತ್ತೆ ಸುದ್ದಿ ಆಯಿನ ChatGPT ದ ಪೊಸ ಮಾಡೆಲ್ GPT4o ಡ್ ಬತ್ತಿ ಬೊಕ್ಕ. ಈ ಜಿಬ್ಲಿ ಎಫೆಕ್ಟ್‌ನ್ ಫ್ರೀ ಆದ್ ಎಂಚ ಮಲ್ಪುನು ಪನ್ದ್ ತೂಲೆ.
1. ChatGPT: ಸುರುಕು chat.openai.com ಗ್ ಪೋಲೆ, ಲಾಗಿನ್ ಆಲೆ. ಅವೆತ ಚಾಟ್‌ಬಾಕ್ಸ್‌ಡ್ ನಿಕ್ಲೆಗ್ ಜಿಬ್ಲಿ ಎಫೆಕ್ಟ್ ಪಾಡೊಡಾಯಿನ ಫೋಟೋನ್ ಅಪ್ಲೋಡ್ ಮಲ್ತ್‌ದ್ “Show me in Studio Ghibli style” ಪನ್ದ್ ಬರೆದ್ ಎಂಟರ್ ಒತ್ತುಲೆ. ಚಾಟ್‌ಜಿಪಿಟಿ ಈರೆಗ್ ಜಿಬ್ಲಿ ಎಫೆಕ್ಟ್‌ದ ಫೋಟೋ ಕೊರ್ಪುಂಡು (ಪಾಕ ಜನ ಇತ್ತೆ ಈ ಎಫೆಕ್ಟ್ ಗಲಸೊಂದು ಇಪ್ಪುನೆರ್ದಾವರ ಒರೊರ ಫೋಟೋ ಬರಂದೆಲಾ ಇಪ್ಪು, ಅಂಚೆನೇ ChatGPT ಗ್ ಕಾಸ್ ಕಟ್ಟಂದೆ ದಿನೊಕು 3-4 ಫೋಟೋನ್ ಮಾತ್ರ ಜಿಬ್ಲಿ ಜಿಬ್ಲಿ ಮನ್ಪೊಲಿ.
2. Grok AI: X(ಟ್ವಿಟರ್) ಡ್ ಗ್ರೋಕ್ ಪನ್ಪಿನ AI ಉಂಡು, ( x.ai )ಈ AI ಡ್ ನಮಕ್ ಬೋಡಾಯಿನ ಫೋಟೋ ಅಪ್ಲೋಡ್ ಮಲ್ತ್‌ದ್ Show me in Studio Ghibli style ಪನ್ದ್ ಬರೆಂಡ ಜಿಬ್ಲಿ ಎಫೆಕ್ಟ್‌ಡ್ ಬುಡ್ಪಾದ್ ಕೊರ್ಪುಂಡು, ಆಂಡ ChatGPT ದಾತ್ ಎಡ್ಡೆಡ್ ಬರೊಂದಿಜ್ಜಿ ಪನ್ದ್ ಎಚ್ಚಿನ ಯೂಸರ್ಸ್ ಪನ್ಡೊನ್ದೆರ್.
3. Gemini AI gemini.google.com : ಗೂಗಲ್‌ದ ತನ್ನನೇ ಆಯಿನ ಜೆಮಿನೈ ಏಐ ಡ್ಲಾ ಫೋಟೋಗ್ ಜಿಬ್ಲಿ ಎಫೆಕ್ಟ್ ಪಾಡೊಲಿ. ಮುಲ್ಪಲಾ ಬೇತೆ ಪ್ಲಾಟ್‌ಫಾರ್ಮ್ ದ ಲೆಕನೆ ಫೋಟೋ ಅಪ್ಲೋಡ್ ಮಲ್ತ್‌ದ್ ಪ್ರಾಮ್ಪ್ಟ್ ಬರೆದ್ ಎಂಟರ್ ಒತ್ತ್ಂಡ ಆಂಡ್.
4. ಇನ್ಸ್‌ಮೈಂಡ್ insmind.com : ಈ ವೆಬ್‌ಸೈಟ್‌ಡ್ಲಾ ನಮ್ಮ ಫೋಟೋಲೆನ್ ಜಿಬ್ಲಿ ಮನ್ಪೊಲಿ. ಮುಲ್ಪ ಕ್ರೆಡಿಟ್ ಸಿಸ್ಟಮ್ ಇಪ್ಪುನೆರ್ದಾವರ ಒಂತೆ ಫೋಟೋ ಮಾತ್ರ ಫ್ರೀ ಆದ್ ಮನ್ಪೊಲಿ.
ಈತ್ ಮಾತ್ರ ಅತ್ತಂದೆ, DeepAI, Craiyon, Playground AI, Midjourney ಇಂಚಿನ ಪ್ಲಾಟ್‌ಫಾರ್ಮ್‌ಲೆಡ್‌ಲಾ ಜಿಬ್ಲಿ ಇಮೇಜ್ ಜನರೇಟ್ ಮನ್ಪೊಲಿ. ನಮ prompt ದಾದ ಬರೆಪ ಪನ್ಪಿನವು AI ಫೋಟೋ ಬುಡ್ಪಾವುನೆಕ್ ಬೋಡಾಪುಂಡು. ಕೆಲ ಏಐ ಲು ಬ್ಯಾಕ್‌ಗ್ರೌಂಡ್ ಪಗತಂಡ ಕೆಲವುದ ಇತ್ತಿಲೆಕನೆ ದೀಪ. ನಮಕ್ ವಾ ರೀತಿದ ಫೋಟೋ ಬೋಡು ಅವೆನ್ ಸಮ ಬರೆದ್ ಪಾಡೊಡು.
ಈತ್‌ನೇಟ ನರಮಾನಿ ಬೊಕ್ಕ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್‌‌ನ್ ಬೇತೆ ಮಲ್ತೊಂದಿತ್ತಿನ ಕಲೆ ಪನ್ಪಿನ ಒಂಜಿ ಸೊತ್ತು ಮಾತ್ರ. ಇತ್ತೆ ಕಲೆಲಾ AI ದ ಕೈಕ್ ಪೋವೊಂದುಂಡು.