Last updated on March 19th, 2025 at 05:43 pm
ಒಡಿಪು, ಮಾ. 19: ಮೀನ್ ಕಂಡ್‌ದೆರ್ ಪನ್ಪಿನ ಆರೋಪಡ್ ಪೊಂಜೊವು ಒರ್ತಿನ್ ಮರಕ್ಕ್ ಕಟ್ಟ್‌ದ್ ಪಾಡ್ದ್ ಆಕ್‌ದಿನ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆದಿತ್ತ್‌ದ್, ಇತ್ತೆ ಈ ಪ್ರಕರಣೊಗು ಸಂಬಂಧಿತ್‌ದ್ ಆಕ್‌ದಿನ ಪೊಂಜೊವು ಸೇರ್ದ್ ನಾಲ್ವೆರೆನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.
ಕೈದಾತಿನಕ್ಲೆನ್ ಅವಳಲ್ಪದಕುಲೇ ಆಯಿನ ಲಕ್ಷ್ಮೀಬಾಯಿ, ಸುಂದರ್, ಶಿಲ್ಪಾ ಪನ್ದ್ ಗುರ್ತ ಪತ್ತ್‌ದೆರ್. ಒರ್ಯನ ಪುದರ್ ತೆರಿದ್ ಬೈದಿಜಿ. ಮಾರ್ಚ್ 18ದಾನಿ ವಿಜಯನಗರ ಜಿಲ್ಲೆದ ಪೊಂಜೊವುಗು ಆಕುನ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆದಿತ್ತ್‌ದ್, ಈ ಬಗೆಟ್ ಜಡ್ತೆ ಮಲ್ತಿನ ಮಲ್ಪೆ ಪೊಲೀಸೆರ್, ಪೆಟ್ಟ್ ತಿನ್ತಿನ ಪೊಂಜೊವು ಬರೆಪಾದಿನ ಒಯಿಲ್‌ದ ಪ್ರಕಾರ ಪ್ರಕರಣ ದಾಕಲ್ತೊಂದೆರ್.
ಈ ಪೊಂಜೊವು ಡಕ್ಕೆಡ್ ಮೀನ್ ಕಂಡ್‌ದೆರ್ ಪನ್ದ್ ಆರೋಪ ಮಲ್ತ್‌ದ್ ಲಕ್ಷ್ಮೀಬಾಯಿ ಪನ್ಪಿನಾರ್ ಆಕ್‌ದೆರ್. ಅವೆರ್ದ್ ಬೊಕ್ಕ ಮುಟ್ಟದಕುಲು ಒಟ್ಟು ಸೇರ್ದ್, ಆ ಪೊಂಜೊವುನು ಮರಕ್ ಕಟ್ಟ್‌ದ್ ಆಕೊಂದುಪ್ಪುನ ವಿಡಿಯೋಡ್ ತೋಜಿದ್ ಬೈದ್ಂಡ್. ಈ ಬಗೆಟ್ ಪೊಂಜೊವು ಬರೆಪಾದಿನ ಒಯಿಲ್‌ದ ಪ್ರಕಾರ ಮಲ್ಪೆ ಸ್ಟೇಶನ್‌ಡ್ ಪ್ರಕರಣ ದಾಕಲ್ತೊಂದ ಪನ್ದ್ ಎಸ್ಪಿ ಡಾ.ಕೆ.ಅರಣ್ ತೆರಿಪಾದೆರ್.