Last updated on March 31st, 2025 at 01:49 pm
ಬೊಲ್ತೇರ್, ಮಾ.31: ಬೈಕ್‌ಲೆನ ನಡುಟು ಭೀಕರ ಎಡ್ತೆ ನಡತ್‌ದ್, ಯಕ್ಷಗಾನ ಭಾಗವತೆರ್ ಒರಿ ತೀರ್ದಿನ ನಡಕೆ ಅಂಡಿಂಜೆದ ಕಿಲಾರ ಮಾರಿಕಾಂಬಾ ದೇಲಂತಡೆದ ತಿರ್ಗೆಲ್ ರೋಡ್‌ಡ್ ಇನಿ ಕಾಂಡೆ ನಡತ್‌ದ್ಂಡ್.
ಸತೀಶ್ ಆಚಾರ್ಯ ವೇಣೂರು ಅಂಡಿಂಜೆ (40) ತೀರ್ದಿನ ಭಾಗವತೆರ್.
ಮಂಗಳಾದೇವಿ ಯಕ್ಷಗಾನ ಮೇಳೊದ ಯಕ್ಷಗಾನ ಭಾಗವತೆರಾಯಿನ ಸತೀಶ್ ಆಚಾರ್ಯೆರ್ ಮಾ. 30ದಾನಿ ಸುಳ್ಯಡ್ ನಡತಿನ ಯಕ್ಷಗಾನ ಕಾರ್ಯಕ್ರಮೊನು ಮುಗಿತ್‌ದ್ 31ದಾನಿ ಕಾಂಡೆ 4 ಗಂಟೆಗ್ ತನ್ನ ಬೈಕ್‌‌ಡ್ ನಾರಾವಿರ್ದ್ ಅಂಡಿಂಜೆಗ್ ಬರೊಂದಿತ್ತೆರ್. ಈ ಪೊರ್ತುಡು ಅಂಡಿಂಜೆ ಕಿಲಾರ ಮಾರಿಗುಡಿ ದೇಲಂತಡೆದ ಕೈತಲ್ ತಿರ್ಗೆಲ್ ರೋಡ್‌ಡ್ ಎದುರುರ್ದ್ ಬರೊಂದಿತ್ತಿನ ಬೈಕ್ ಬೊಕ್ಕ ಮೇರ್ ಪೋವೊಂದಿತ್ತಿನ ಬೈಕ್ ಎದುರೆದುರು ಎಡ್ತೊಂದ. ಸಾದಿಗ್ ಬೂರ್ದ್ ಗಾತಿದ ಪೆಟ್ಟಾದಿತ್ತಿನ ಆರ್ ಅಲ್ಪನೇ ತೀರ್ದೆರ್. ಎದುರುರ್ದ್ ಬರೊಂದಿತ್ತಿನ ಬೈಕ್‌‌ಡ್ ಇತ್ತಿನಾರೆಗ್ಲಾ ಗಡಿಕುಲಾತ.
ಈ ಬಗೆಟ್ ವೇಣೂರು ಪೋಲಿಸೆರ್ ಜಾಗೆಗ್ ಬತ್ತ್‌ದ್ ಜಡ್ತೆ ಮಲ್ತೊಂದುಲ್ಲೆರ್.