Last updated on April 12th, 2025 at 09:16 am
ಬೆಂಗಳೂರು, ಎ. 12: ಸೌಜನ್ಯನ್ ಅತ್ಯಾಚಾರ ಮಲ್ತ್ ಕೆರ್ತಿನ ಪ್ರಕರಣೊಗು ಸಂಬಂಧಿತ್‌ದ್ ವಿಡಿಯೋ ಮಲ್ತಿತ್ತಿನ ಯುಟ್ಯೂಬರ್‌ ಎಂ ಡಿ ಸಮೀರ್‌‌ನ ಮಿತ್ತ್ ಡಿ. ಹರ್ಷೇಂದ್ರ ಕುಮಾರ್‌ ಬೊಕ್ಕ ನಿಶ್ಚಲ್‌ 10 ಕೋಟಿ ರೂ ಮಾನನಷ್ಟ ಮೊಕದ್ದಮೆ ಪಾಡ್ದೆರ್.
ಸೌಜನ್ಯ ಪ್ರಕರಣೊಗು ಸಂಬಂಧಿತ್‌ದ್ ಧರ್ಮಸ್ಥಳೊನು ಟಾರ್ಗೆಟ್ ಮಲ್ತ್‌ದ್ ವಿಡಿಯೋ ಮಲ್ತಿತ್ತ್‌ದ್, ನ್ಯಾಯಂತಡೆದ ಆದೇಶ ಇತ್ತ್ಂಡಲಾ ವಿಡಿಯೋ ಡಿಲೀಟ್ ಮಲ್ದಿಜೆರ್ ಪನ್ದ್ ಧರ್ಮಸ್ಥಳೊದ ಪರವಾದ್ ಡಿ. ಹರ್ಷೇಂದ್ರ ಕುಮಾರ್‌ ಬೊಕ್ಕ ನಿಶ್ಚಲ್‌ 10 ಕೋಟಿ ರೂ ಮಾನನಷ್ಟ ಮೊಕದ್ದಮೆ ಪಾಡ್ದೆರ್. ಈ ಮಾನನಷ್ಟ ಮೊಕದ್ದಮೆ ಅರ್ಜಿ ಪರಿಶೀಲಿತಿನ ಬೆಂಗಳೂರಿನ ಸಿಟಿ ಸಿವಿಲ್‌ ನ್ಯಾಯಾಧೀಶೆ ಎಸ್‌. ನಟರಾಜ್‌ ಮೇರ್ ಪ್ರತಿವಾದಿಲೆಗ್ ನೋಟಿಸ್‌ ಜಾರಿ ಮಲ್ತ್‌ದೆರ್.
ವಾದಗ್ ಕೆಬಿ ಕೊರ್ನ ನ್ಯಾಯಂತಡೆ, ಯೂಟ್ಯೂಬರ್‌ಗ್ ನೋಟಿಸ್‌ ಜಾರಿ ಮಲ್ತ್‌ದ್, ವಿಚಾರಣೆಗ್ ಬರ್ಯೆರ ಸೂಚನೆ ಕೊರ್ತುಂಡು. ಅತ್ತಂದೆ, ನ್ಯಾಯಂತಡೆದ ಆದೇಶ ಪೊಲ್ತ್‌ದ್ ಪಬ್ಲಿಷ್ ಮಲ್ದಿನ ವಿಡಿಯೋನ್ ಇತ್ತೆನೇ ಡಿಲೀಟ್ ಮಲ್ಪೆರ ನ್ಯಾಯಂತಡೆ ಆದೇಶ ಕೊರ್ತುಂಡು. ಅರ್ಜಿದಾರೆರೆ ಕಡೆರ್ದ್ ರಾಜಶೇಖರ ಹಿಲ್ಯಾರ್‌ ವಾದ ಮಂಡನೆ ಮಲ್ತ್‌ದ್, ‘ಯುಟ್ಯೂಬರ್‌ ಸಮೀರ್‌ ಎಂ.ಡಿ. ಪನ್ಪಿನಾಯೆ ಪಬ್ಲಿಷ್ ಮಲ್ದಿನ ವಿಡಿಯೋದ ವಿರುದ್ಧ ನ್ಯಾಯಂತಡೆ ವಿಡಿಯೋ ದೆಪ್ಪೆರೆ ಅಂಚೆನೇ ಈ ಬಗೆಟ್ ಕುಡ ವಿಡಿಯೋ ಮಲ್ಪಂದಿಲೆಕ ತಡೆಯಾಜ್ಞೆ ಕೊರ್ದಿತ್ತ್ಂಡ್. ಆಂಡ, ನ್ಯಾಯಂತಡೆದ ತಡೆಯಾಜ್ಞೆ ಅದೇಶೊನು ಗೆನ್ಪಂದೆ, ರಡ್ಡನೆ ವಿಡಿಯೋ ಮಲ್ದಿನ ಸಮೀರ್‌ ಬೊಕ್ಕ ಯೂಟ್ಯೂಬ್‌ ಚಾನಲ್‌ ದೂತದ ಮಿತ್ತ್ ಮಾನನಷ್ಟ ಮೊಕದ್ದಮೆ ಕಾಯಿದೆದ ಅಡಡಿಟ್ ಕ್ರಮ ಗೆತೊನೊಡು’ ಪನ್ದ್ ಕೇನ್ದಿತ್ತೆರ್.