Last updated on April 5th, 2025 at 09:49 am
ಮುಲ್ಕಿ: ತುಳುನಾಡ್‌ದ ಪರಂಪರೆನ್ ಡಿಜಿಟಲ್ ಲೋಕೊಗು ಗುರ್ತ ಮಲ್ಪಾವುನ ದಿಟ್ಟಿಡ್ ಮುಲ್ಕಿ ಬಪ್ಪನಾಡ್ ದೇಲಂತಡೆದ ತೇರ್‌ದ 3ಡಿ ಮಾಡೆಲ್ ಮಲ್ತ್‌ದ್, ತೇರ್ ಕಟ್ಟುನೆತ ಆ್ಯನಿಮೇಷನ್‌ನ್ ಜ್ಞಾನಶಕ್ತಿ ಡಿಜಿಟಲ್ಸ್ ಪನ್ಪಿನ ಸಂಸ್ಥೆ ಮಲ್ದ್ಂಡ್.
ಹಳೆಯಂಗಡಿದ ಸರಕಾರಿ ಕಾಲೇಜಿದ ಫಸ್ಟ್ ಎಂ ಕಾಂ ವಿಭಾಗೊಡು ಕಲ್ತೊಂದುಪ್ಪುನ ಸಂಸ್ಥೆದ ಅಭಿರಾಮ್ ಬುಡಂದೆ ಸುಮಾರ್ ಒಂಜಿ ವರ್ಸ ತೇರ್‌ದ ವಿನ್ಯಾಸೊದ ಬಗೆಟ್ ಅಭ್ಯಾಸ ಮಲ್ತ್‌ದ್, 3 ತಿಂಗೊಲುಡು ಮಾಡೆಲ್ ಮಲ್ತ್‌ದೆರ್.
ತೇರ್‌ದ ಜಿಡ್ಡೆ ಅಂಚೆನೇ ತೇರ್‌ಡ್ ಗಲಸುನ ಮಾತಾಲ್ಲಾ ಪರಿಕರೊಲೆನ 3ಡಿ ಮಾಡೆಲ್‌ನ್ ಬೇತೆ ಬೇತೆನೇ ಮಲ್ತ್‌ದ್, ತೇರ್ ಕಟ್ಟುನ ರೀತಿಡೇ ಆ್ಯನಿಮೇಷನ್ ಮಲ್ದೆರ್. ಆತೇ ಅತ್ತಂದೆ ಬಪ್ಪನಾಡ್ ದೇವೆರೆನ ಅಟ್ಟೆ ಇತ್ತಿನ ಬಲಿ ಮೂರ್ತಿನ್ಲಾ ಮಲ್ತ್‌ದೆರ್.