Last updated on April 22nd, 2025 at 02:43 pm
ಬೊಲ್ತೇರ್, ಏ.22: ಬೊಲ್ತೇರ್ ವಲಯ ಅರಣ್ಯ ಇಲಾಖೆದ ಅಧಿಕಾರಿಲು ಕಾರ್ಯಾಚರಣೆ ಮಲ್ತ್‌ದ್, ಮೇಲಂತಬೊಟ್ಟು ಗ್ರಾಮೊದ ರಿಸರ್ವ್ ಫಾರೆಸ್ಟ್ ಜಾಗೆಡ್ ಅಕ್ರಮವಾದ್ ಪೊಗ್ಗುದ್, ಹಿಟಾಚಿ ಗಲಸ್‌ದ್ ಎಡ್ಡೆಡ್ಡೆ ಮರೊಕುಲೆನ್ ಕಡ್ತಿನ ಕಲ್ವೆರೆ ಬಗೆಟ್ ಪತ್ತ ಒಲವು ಇತ್ತ್‌ದ್ ದಾಳಿ ಮಲ್ತ್‌ದ್ ಸೊತ್ತುಲೆನ ಒಟ್ಟುಗು ವಶೊಕು ಗೆತೊಂದೆರ್.
ಪತ್ತ ಒಲವುದ ಆಧಾರೊಡು, ಬೊಲ್ತೇರ್ ಅರಣ್ಯ ಇಲಾಖೆದ ಆರ್‌ಎಫ್‌ಒ ತ್ಯಾಗರಾಜ್.ಟಿ.ಎಂ. ಮುತಾಲಿಕೆದ ಕೂಟ ಏಪ್ರಿಲ್ 16 ತ ಬಯ್ಯಡ್ ದಾಳಿ ಮಲ್ತ್‌ದ್ ಅಕ್ರಮವಾದ್ ಕಡ್ತಿನ ಮರೊಕುಲು ಬೊಕ್ಕ ಪಣೆಕುಲೆನ್ ವಶೊಕು ಗೆತೊಂದುಂಡು. ಬೊಲ್ತೇರ್ ನ್ಯಾಯಂತಡೆರ್ದ್ ಅನು ಗೆತೊಂದು, ಏಪ್ರಿಲ್ 19 ತಾನಿ ಬೊಲ್ತೇರ್ ಅರಣ್ಯ ಇಲಾಖೆಡ್ ಪ್ರಕರಣ ದಾಕಲ್ತೊಂದೆರ್.
ದಾಳಿದ ಪೊರ್ತುಡು, ಅಧಿಕಾರಿಲು ಸುಮಾರ್ 3 ಲಕ್ಷ ರೂ. ಮೌಲ್ಯೊದ ಬೇತೆ ಬೇತೆ ಜಾತಿದ 14.500 ಮೀಟರ್ ಮರೊಕುಲು, 30 ಲಕ್ಷ ರೂ. ಮೌಲ್ಯೊದ ಒಂಜಿ ಹಿಟಾಚಿ, 60 ಸಾವಿರ ಮೌಲ್ಯೊದ ಒಂಜಿ ಮರ ಕಟ್ಟಿಂಗ್ ಮೆಷಿನ್, 15 ಸಾವಿರ ಮೌಲ್ಯೊದ ಒಂಜಿ ಕರ್ಬದ ಸರಪ್ಪೊಲಿನ್ ಜಪ್ತಿ ಮಲ್ತ್‌ದೆರ್.
ಪ್ರಮುಖ ಆರೋಪಿಲು ನಾರಾವಿ ಗ್ರಾಮೊದ ಡೊಂಕಬೊಟ್ಟು ನಿವಾಸಿ ಪ್ರಕಾಶ್ ಪೂಜಾರಿ ಬೊಕ್ಕ ಕಾರ್ಲ ತಾಲೂಕ್‌ದ ನೂರಲೊಟ್ಟು ಗ್ರಾಮೊದ ಹಿಟಾಚಿದ ದನಿ ಬೋಕ್ಕ ಕರುಣಾಕರ ಭಂಡಾರಿ ಮೋಕಲೆನ ಮಿತ್ತ್ ಬೊಲ್ತೇರ್ ಅರಣ್ಯ ಇಲಾಖೆಡ್ ಪ್ರಕರಣ ದಾಕಲ್ತ್‌ದ್ ಜಡ್ತೆ ಮಲ್ತೊಂದುಲ್ಲೆರ್.
ಕಾರ್ಯಾಚರಣೆಡ್ ಇಲಾಖೆದ ಆರ್‌ಎಫ್‌ಒ ತ್ಯಾಗರಾಜ್ ಟಿ.ಎನ್., ಡಿಆರ್‌ಎಫ್‌ಒ ಕೆ.ರವೀಂದ್ರ ನಾಯ್ಕ, ಡಿಆರ್‌ಎಫ್‌ಒ ಸಂದೀಪ್, ಅರಣ್ಯ ಪಾಲಕೆ ಪರಶುರಾಮ, ಗಸ್ತು ಅರಣ್ಯ ಪಾಲಕೆ ಪ್ರತಾಪ್, ಡ್ರೈವರ್ ಕುಶಲಪ್ಪ ಗೌಡ ಪಾಲ್‌ಪಡೆದಿತ್ತೆರ್.