Last updated on April 16th, 2025 at 12:17 pm
ಕಟ್ಪಾಡಿ: ಬೆರ್ಮೆರೆನ್ ಸುಗಿತ್‌ದ್ ತುಳುವಪ್ಪೆಗ್ ಅಡ್ಡಬೂರೊಂದು ತುಳುನಾಡ್ ಕಾನ್‌ಕ್ಲೇವ್‌ಡ್ ತನ್ನ ಪಾತೆರನ್ ಸುರು ಮಲ್ತಿನ ದೈವರಾಧನೆ ಸಂರಕ್ಷಣಾ ಸಮಿತಿದ ಗುರ್ಕಾರ್ಲು ಭರತ್ ಬಳ್ಳಾಳ್‌ಬಾಗ್, ತುಳುನಾಡ್ ಜವನೆರೆ ಸಮಾವೇಶನ್ ಪೊರ್ಲುಡು, ಅಚ್ಚುಕಟ್ಟಾದ್ ಮಲ್ದಿನ ಮಹಿ ಮೂಲ್ಕಿ ಬೊಕ್ಕ ಅರೆನ ಕೂಟದಕ್ಲೆಗ್ ಎಡ್ಡೆಪ್ಪುಲು ಬಯಕಿಯೆರ್, ದೇವೆರ್ ನನಲಾತ್ ಶಕ್ತಿ ಸಾಮರ್ಥ್ಯನ್ ಅಕ್ಲೆಗ್ ಕೊರಡ್ ಪಂದ್ ದೈವ ದೇವೆರ್ಡ ನಟ್ಟೊಂಡೆರ್. ಸಂಘಟನೆಲೆನ ನಡುಟು ಏತೇ ಬಿನ್ನಾಭಿಪ್ರಾಯಲು ಇತ್ತ್ಂಡಲಾ ತುಳು ಬಾಸೆ ಸಂಸ್ಕೃತಿನ್ ಒರಿಪಾವುನ ಇಚಾರಡ್ ಮಾತೆರ್ಲ ಬೇಲೆ ಮಲ್ಪೊಡು ಪಂದ್ ಪಂಡೆರ್.
ಇನಿ ತುಳು ಬಾಸೆ ಒರಿದ್ಂಡ್ ಪಂಡ ಅವು ದೈವದ ಕಲರ್ದ್ ಪಂದ್ ತನ್ನ ಅಭಿಪ್ರಾಯನ್ ಪಟ್ಟೊಂಡೆರ್, ನನ ದುಂಬಗ್ ತುಳು ಒರಿಯೊಡಾಂಡ ಜೋಕ್ಲೆಗ್ ತುಳುತ್ತ ಕಮ್ಮೆನನ್ ಪುಟ್ಟಾವೊಡು ಪಂದ್ ಪಂಡೆರ್. ಈ ಪೊರ್ತುಡು ತುಳುಪರ ಪೊರ್ಂಬಾಟ ಮಲ್ಪುನ ರೋಷನ್ ರೆನಾಲ್ಡ್, ಜೆಪ್ಪು ಯೋಗೀಶ್ ಶೆಟ್ಟಿ, ಸಚಿನ್ ಶೆಟ್ಟಿ ಮೊಕ್ಲೆನ ಕಜ್ಜನ್ ನೆನೊತೊಂಡೆರ್, ತುಳುಪರ ಪೊರ್ಂಬಾಟ ಮಲ್ಪುನ ಜನಕುಲು ಕಮ್ಮಿ ಉಲ್ಲೆರ್, ನನ ದುಂಬಗ್ ಪ್ರತಿಯೊಂಜಿ ಇಲ್ಲ ಇಲ್ಲಡ್ ತುಳು ಪೊರ್ಂಬಾಟ ಮಲ್ಪುನ ಜೋಕುಲು ಪುಟ್ಟೊಡು ಪಂದ್ ಲೆಪ್ಪು ಕೊರಿಯೆರ್.