Last updated on April 6th, 2025 at 08:11 am
ಪುತ್ತೂರು: ಕಾಲೇಜಿಗ್ ರಜೆ ಇತ್ತಿನ ಪೊರ್ತುಡು ಇಲ್ಲಡ್ ಇತ್ತಿನ ಪಿಯುಸಿ ಕಲ್ಪುನ ಪೊಣ್ಣನ ಮಿತ್ತ್ ಆಟೋ ಡ್ರೈವರ್ ಒರಿ ಅತ್ಯಾಚಾರ ಮಲ್ದಿನ ನಡಕೆ ಕಡೆಸ್ಸ್‌ದ್ ಬೊಲ್ಪುಗು ಬೈದ್ಂಡ್.
ರಿಕ್ಷಾ ಡ್ರೈವರ್ ಮಂಜುನಾಥ್ ಕಟ್ಟತ್ತಡ್ಕ ಅತ್ಯಾಚಾರ ಮಲ್ದಿನ ಆರೋಪಿ ಆದಿತ್ತ್‌ದ್ ಕರಿನ ಆಗಸ್ಟ್ ತಿಂಗೊಲುಡು ಜವನ್ದಿ ಒರ್ತಿಯೇ ಇತ್ತಿನ ಪೊರ್ತುಡು ನೀರ್ ಕೇನೊಂದು ಬತ್ತಿನ ನೆವನೊಡು ಬತ್ತ್‌ದ್ ಅತ್ಯಾಚಾರ ಮಲ್ತ್‌ದೆ ಪನ್ದ್ ಆರೋಪ ಮಲ್ದೆರ್.
ಬೊಕ್ಕ ಈ ವಿಚಾರ ಏರೆಡಲಾ ಪನರ ಬಲ್ಲಿ ಪನ್ದ್ ಪೋಡಿಕಟ್ಟಾದ್, ಬೊಕ್ಕದ ದಿನೊಕುಲೆಡ್ ಇಂಚೆನೇ 7-8 ಸರ್ತಿ ದೈಹಿಕ ಸಂಪರ್ಕ ಮಲ್ತ್‌ದೆ ಪನ್ದ್ ಪೊಣ್ಣು ಕೊರ್ತಿನ ಒಯಿಲ್‌ಡ್ ದಾಕಲಾತ್ಂಡ್.
ಆರೋಗ್ಯಡ್ ಎಚ್ಚಿಕಮ್ಮಿ ಆಯಿನೆರ್ದಾವರ ಆಲೆನ್ ಪುತ್ತೂರು ಸರಕಾರಿ ಆಸ್ಪತ್ರೆಗ್ ಮರ್ದ್‌ಗ್ ಲೆತೊಂದು ಬನ್ನಗ ಆಲ್ ಬಂಜಿನಾಲ್ ಆತಿನ ತೆರಿದ್ ಬೈದ್ಂಡ್.
ಇತ್ತೆ ಆರೋಪಿನ ಮಿತ್ತ್ ದ. ಕ. ಮಹಿಳಾ ಪೊಲೀಸ್ ಸ್ಟೇಶನ್‌ಡ್ ಕಲಂ 64(2)(m), 352(3) BNS 2023 2 0 5(1) ಒಟ್ಟುಗು 6 ಪೋಕ್ಸೋ ಆಕ್ಟ್ 2012 ದ ಪ್ರಕಾರ ಪ್ರಕರಣ ದಾಕಲಾತ್ಂಡ್.