Last updated on April 11th, 2025 at 03:03 pm
ಕುಡ್ಲ: ಕಲಿ ಮೂರೊಂದುಪ್ಪುನಗ ಮರರ್ದ್ ಬೂರ್ದ್ ಗಾತಿದ ಪೆಟ್ಟಾದ್ ಒರಿ ತೀರ್ದಿನ ನಡಕೆ ಉಳ್ಳಾಲದ ಕಣೀರ್‌ತೋಟಡ್ ನಡತ್‌ದ್ಂಡ್. ಕೊಲ್ಯ ಕಣೀರ್‌ತೋಟ, ಬಲ್ಯ ನಡುಪೊಲಿಕೆ ನಿವಾಸಿ ಯಶೋಧರ್ (46) ತೀರ್ದಿನಾರ್.
ಯಶೋಧರ್ ಮೇರ್ ಶುಕ್ರವಾರ ಕಾಂಡೆ ತನ್ನ ಇಲ್ಲದಲ್ಪ ಕಲಿ ಮೂರೊಂದುಪ್ಪುನಗ ಆಯ ತತ್ತ್‌ದ್ ತಿರ್ತ್ ಬೂರ್ದು ಗಾತಿದ ಗಡಿಕುಲಾದಿತ್ತ್. ಆಸ್ಪತ್ರೆಗ್ ಲೆತೊಂದು ಪೋನಗ ಸಾದಿ ನಡುಟೇ ತೀರ್ದೆರ್. ಯಶೋಧರ್ ಮೇರ್ ಉಂದೆಕ್ ದುಂಬೊರ ಲೋ ಬಿಪಿ ರ್ದಾವರ ಮತಿ ತತ್ತ್‌ದ್ ಬೂರ್ದಿತ್ತೆರ್‌. ಲೋ ಬಿಪಿರ್ದೇ ಮರರ್ದ್ ಬೂರ್ದಿನ ಸಾಧ್ಯತೆ ಇಪ್ಪು. ಮೇರ್ ಮೂಲತಃ ಬೊಲ್ತೇರ್ ತಾಲೂಕ್‌ದ ರೆಖ್ಯ ಗ್ರಾಮೊದಾರ್. ಇತ್ತೆ ಉಳ್ಳಾಲದ ಕೊಲ್ಯ ಕಣೀರ್‌ತೋಟ, ಬಲ್ಯ ನಡುಪೊಲಿಕೆ ಪನ್ಪಿನಲ್ಪ ಒಕ್ಕೆಲ್ ಕುಲ್ದಿತ್ತೆರ್.
ಯಶೋಧರ್ ಬೊಡೆದಿ, ಮಗೆ, ಮಗಲೆನ್ ಅಗತ್‌ದೆರ್.