Last updated on April 9th, 2025 at 03:28 pm
ರಾಜ್ಯೊದ ಪಾಕ ಪುಣ್ಯ ಕ್ಷೇತ್ರೊಲೆಗ್ ಬರ್ಪಿನ ಭಕ್ತೆರೆ ಸಂಖ್ಯೆ ವರ್ಸೊರ್ದು ವರ್ಸೊಗು ಎಚ್ಚ ಆವೊಂದೇ ಇತ್ತ್‌ದ್, ಇತ್ತೆ ರಾಜ್ಯೊದ ಪುಗರ್ತೆದ ತೀರ್ಥಕ್ಷೇತ್ರ ಸುಬ್ರಮಣ್ಯಗ್ ಏ.12 ರ್ದ್ ಪೊಸ ರೈಲ್ ಬರ್ಪುಂಡು ಪನ್ದ್ ಸಚಿವೆ ವಿ ಸೋಮಣ್ಣೆ ತೆರಿಪಾದೆರ್.
ತುಮಕೂರುಡು ಇನಿ ರೈಲ್ವೇ ಗೇಟ್ ಮಿತ್ತಸಂಕೊದ ಕೆಸರ್ ಕಲ್ಲ್ ಪಾಡಿನ ಆರ್, ಏ. 12 ತಾನಿ ಬೆಂಗಳೂರ್‌ರ್ದ್ ಕುಕ್ಕೆ ಸುಬ್ರಹ್ಮಣ್ಯಗ್ ಒಂಜಿ ಪೊಸ ರೈಲ್ ಬುಡೊಂದುಲ್ಲ. ದಿನೊಕು ನಾಲ್ ಸರ್ತಿ ಪೋದು ಬರ್ಪಿಲೆಕ ಇಪ್ಪುಂಡು ಪನ್ದ್ ಆರ್ ಪನ್ಡೆರ್.
ಅತ್ತಂದೆ 650 ಕೋಟಿ ರೂ. ಕರ್ಚಿಡ್ 22 ಮಿತ್ತಸಂಕ ಬೊಕ್ಕ ತಿರ್ತಸಂಕೊಲೆನ ಬೇಲೆ ತೊಡಂಗೊಂದಿತ್ತ್‌ದ್, ಬಟವಾಡಿ ಗೇಟ್‌ಡ್ ಇನಿ 27 ಕೋಟಿ ರೂ. ಕರ್ಚಿಡ್ ಬೇಲೆ ಸುರು ಆತ್ಂಡ್. ಬಡ್ಡಿಹಳ್ಳಿ ಕೈತಲ್ 43 ಕೋಟಿ ರೂ. ಕರ್ಚಿಡ್, ಮೈದಾಳದ ಕೈತಲ್ 51 ಕೋಟಿ ರೂ. ಕರ್ಚಿಡ್ ಮಿತ್ತಸಂಕೊದ ಬೇಲೆ ನಡತೊಂದುಂಡು.
ಇತ್ತೆನೆ 23 ಕಾಮಗಾರಿಲೆಡ್ 10 ನಡತೊಂದುಲ್ಲ. ನನ ಒರಿನೆತ ಮೆಲ್ಲ ಮೆಲ್ಲ ಬೇಲೆ ಸುರು ಮಲ್ಪುವ. ಮೋದಿಯೆರ್ ಮೂಜನೆ ಸರ್ತಿ ಪ್ರಧಾನಿ ಆದ್ ಬತ್ತಿ ಬೊಕ್ಕ ರೈಲ್ವೇ ಇಲಾಖೆಗ್ ಒಂಜಿ ಕಾಯಕಲ್ಪ ಕೊರ್ತೆರ್ ಪನ್ದ್ ಸೋಮಣ್ಣೆ ಪನ್ಡೆರ್.