Last updated on April 11th, 2025 at 07:33 pm
ತುಳು ಪದೊಕುಲೆಗ್ ಇದಮುಟ್ಟ ಕೇನಂದಿನಂಚಿನ ಒರು ಕೊರ್ದು ತುಳು ಸಂಗೀತ ಲೋಕೊದ ಕೊಪ್ಪರಿಗೆನ್ ತನ್ನನೇ ರೀತಿಡ್ ದಿಂಜಾವೊಂದುಪ್ಪುನ ತುಳುವೆರೆನ ಪೆರ್ಮೆದ ಮ್ಯೂಸಿಕ್ ಬ್ಯಾಂಡ್ ಆಳ್ವಕೂಟೊ ಇನಿ ತನ್ಕುಲೆ 8 ಪದೊಕುಲು ಇತ್ತಿನ ಪೊಸ ಆಲ್ಬಂನ್ ಮಾತಾ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಲೆಡ್ ಬುಡುಗಡೆ ಮಲ್ದೆರ್.
ತುಳುನಾಡ್, ತುಳು ಜನೊಕುಲೆನ ಬಗೆಟ್ ಮೊಡೆತಿನ ಪ್ರತಿ ಪದೊಕುಲಾ ಅವೆತವೇ ಆಯಿನ ಒಂಜೊಂಜಿ ಪೆಟ್ರೋಗ್ಲಿಫ್ ಸಙ್ಕೇತೊಲೆನ್‌ಲಾ ಬುಡ್ಪಾದೆರ್.
ಪ್ರವೀಣ್ ಆಳ್ವೆರ್ ಬರೆತಿನ ಈ ಪದೊಕುಲೆನ ಕಂಪೋಸಿಷನ್ ಆಳ್ವೆರ್ ಸೇರ್ದ್ ಅಭಿಲಾಷ್ ಶೇಟ್, ಅಂಶುಮಾನ್ ಉಪಾಧ್ಯಾಯ್ ಬೊಕ್ಕ ಸಿದ್ಧಾರ್ಥ್ ಪ್ರದೀಪ್ ಮಲ್ದೆರ್. ರೆಕಾರ್ಡಿಂಗ್, ಮಿಕ್ಸಿಂಗ್, ಮಾಸ್ಟರಿಂಗ್‌ನ್ ‘ದ ರೆಡ್ ಮ್ಯೂಸಿಕ್ ಬಾಕ್ಸ್’ ದಕುಲು ಮಲ್ದೆರ್.
ಆಲ್ಬಂ ಲಿಂಕ್: https://music.amazon.com/albums/B0F3PK6KVN