Last updated on April 4th, 2025 at 09:05 am
ಒಡಿಪು, ಏ. 03: ಬಂಗಾರ್ದ ಕರಿಮಣಿ ಕಂಡಿನ ಪ್ರಕರಣೊಗು ಸಂಬಂಧಿತ್‌ದ್ ಮಣಿಪಾಲದ ಸರೊಳಿಬೊಟ್ಟು ನಿವಾಸಿ ಸಂತೋಷ್ (29) ಪನ್ಪಿನಾಯನ್ ಮಣಿಪಾಲ ಪೊಲೀಸೆರ್ ಕೈದ್ ಮಲ್ದೆರ್.
ಮಾರ್ಚ್ 29 ದಾನಿ, ಒಯಿಲ್ ಕೊರ್ತಿನಾರ್ ಬೇಲೆರ್ದ್ ಪಿರ ಬನ್ನಗ ಈ ನಡಕೆ ನಡತಿತ್ತ್ಂಡ್. ಮಣಿಪಾಲದ ಪ್ರೈವೇಟ್ ಕಾಲೇಜಿದ ಕೈತಲ್, ಆರೋಪಿಲು ಆರೆನ ಬೆರಿಯೆ ಬತ್ತ್‌ದ್, ಆರೆನ ಕೆಕ್ಕಿಲ್‌ರ್ದ್, ಬಲವಂತವಾದ್ 45 ಗ್ರಾಂ ಬಂಗಾರ್ದ ಮಾಲೆನ್ ಒಯ್ತೊಂದು ಪೋತೆರ್ ಪನ್ದ್ ಆರೋಪ ಮಲ್ತಿತ್ತೆರ್. ಮಣಿಪಾಲ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾದಿತ್ತ್‌ದ್ .
ಇನ್ಸ್‌ಪೆಕ್ಟರ್ ದೇವರಾಜ್ ಟಿವಿ, ಎಎಸ್‌ಐ ವಿವೇಕ್, ಹೆಡ್ ಕಾನ್ಸ್ಟೆಬಲ್ ಪ್ರಸನ್ನ, ಕಾನ್ಸ್ಟೆಬಲ್ ಮಂಜುನಾಥ್ ಬೊಕ್ಕ ರವಿರಾಜ್ ಮೊಕುಲು ಇತ್ತಿನ ಪೊಲೀಸ್ ಕೂಟ ಏಪ್ರಿಲ್ 3 ತಾನಿ ಶ್ವಾನ ದಳೊದ ಸಕಾಯೊಡು ಆರೋಪಿನ್ ಪತ್ತ್‌ದೆರ್. ಸುಮಾರ್ 3.5 ಲಕ್ಷ ರೂ. ಮೌಲ್ಯೊದ ಕಂಡಿನ ಮಾಲೆನ್ ವಶೊಕು ಗೆತೊಂದೆರ್. ಆರೋಪಿನ ನನದ ವಿಚಾರಣೆಗ್ ನ್ಯಾಯಾಂಗ ಕೈದ್‌ಗ್ ಒಪ್ಯಾದೆರ್.