ತುಳು ಪಾತೆರಿನೆಕ್ಕ್ ಸಾಲೆಡ್ ಪೆಟ್ಟ್ ತಿನ್ತಿನ ಬೇನೆ ಉಡಲ್‌ಡ್ ಎಂಚ ಕುಲ್ಲ್ಂಡ್ ಪಂಡ ಯಾನ್ ದಾಲ ಮಲ್ತ್ಂಡಲಾ ತುಳುಕ್ಕಾದ್ ಮಲ್ಪೊಡು ಪನ್ಪುನಂಚ: ಕುವಿಕು ಕಣ್ವತೀರ್ಥ

Last updated on April 19th, 2025 at 07:21 am

ಕಟ್ಪಾಡಿ: ಕಟ್ಪಾಡಿದ ಶ್ರೀ ವಿಶ್ವನಾಥ ಕ್ಷೇತ್ರೊಡು ನಡತಿನ ತುಳುನಾಡ್ ಕಾನ್‌ಕ್ಲೇವ್‌ಡ್ ತುಳುನಾಡ ಪುಣ್ಯಮಣ್ಣ್‌ಗ್ ಪುಡ್ಯಡೊಂದು ತನ್ನ ಪಾತೆರನ್ ಸುರು ಮಲ್ತಿನ ಸಾಹಿತಿ ಕುಶಾಲಾಕ್ಷಿ ವಿ ಕಣ್ವತೀರ್ಥ ಮೇರ್ ತನ್ನ ಸಾಹಿತ್ಯೊದ ಜೀವನದ ಬಗ್ಗೆ ಪಾತೆರಿಯೆರ್, ಬರೆಪುನ ಪಿಲನಿಲೆ ಎಂಕಿತ್ತಿಜಿ, ಕಲ್ದಿನಿ ಕಮ್ಮಿ, ಕಲ್ಪುನ ಪೊರ್ತುಡು ತುಳು ಪಾತೆರಿನೆಕ್ಕ್ ಸಾಲೆಡ್ ಪೆಟ್ಟ್ ತಿನ್ತಿನ ಬೇನೆ ಉಡಲ್‌ಡ್ ಎಂಚ ಕುಲ್ಲ್ಂಡ್ ಪಂಡ ಯಾನ್ ದಾಲ ಮಲ್ತ್ಂಡಲಾ ತುಳುಕ್ಕಾದ್ ಮಲ್ಪೊಡು ಪನ್ಪುನಂಚ, ಅವ್ವೆ ಚದಿಟ್ಟ್ ಇನಿ ಇನಿ ಎನ್ನ ಪತ್ತ್ ಬೂಕು ಆಂಡ್ ಪಂದ್ ಪೆರ್ಮೆಡ್ ಪಂಡೆರ್.

ಎನ್ನ ಬೂಕು ಈ ಲೇಸ್‌ಡ್ ಬುಡುಗಡೆ ಆಪುನವು ಎಂಕ್ ಪೆರ್ಮೆದ ಇಚಾರ, ಇನಿ ಯಾನ್ ದಾಲ ಆತ್ಂಡಲಾ ಅವು ತುಳುವೆರೆರ್ದ್. ಇನಿ ಎಂಕ್ ಅಕಾಡೆಮಿ ಪ್ರಶಸ್ತಿ, ಪಣಿಯಾಡಿ ಪ್ರಶಸ್ತಿ ತಿಕ್ಕ್‌ದ್ಂಡ ಅವು ತುಳುವೆರೆರ್ದ್, ಅವು ನಿಕ್ಲೆಗ್ ಸಂದೊಡು. ಇನಿ ಯಾನ್ ಮುಲ್ಪ ಇಪ್ಪೊಡಾಂಡ ಅವು ತುಳುವೆರೆರ್ದ್, ಎನ್ನ ಇಲ್ಲದಕ್ಲೆರ್ದ್ ಆವಡ್, ಕುಟುಮ ದಕ್ಲೆರ್ದ್ ಆವಡ್ ಅತ್ತ್. ಈ ಋಣನ್ ತರೆಟ್ ತುಂಬೊಂದು ಉಲ್ಲೆ. ತುಳುವ ಜೋಕ್ಲೆಗ್, ಜೋಕ್ಲೆನ ತುಳು ಸಾಹಿತ್ಯ ಆವೊಡು ಅಂಚಾದ್ ಇತ್ತೆ ಅವೆತ ಬಗೆಟ್ ಬೆನ್ನಿ ಬೆನೊಂದುಲ್ಲೆ ಪಂದ್ ಕುಶಲಕ್ಕ ತೆರಿಪಾಯೆರ್.