Last updated on April 7th, 2025 at 02:54 pm
ಈ ಸರ್ತಿದ ಹಜ್ ಪೋಪಿನಕ್ಲೆಡ್ ಭಾರತ ಸೇರ್ದ್ 14 ದೇಶೊದ ಜನೊಕ್ಲೆಗ್ ತಾತ್ಕಾಲಿಕ ಬ್ಯಾನ್ ಪಾಡ್ದ್ ಸೌದಿ ಅರೇಬಿಯಾ ಆದೇಶ ಕೊರ್ತುಂಡು. ಈ ದೇಶೊಲೆರ್ದ್ ಹಜ್ ಪೋಪಿನಕ್ಲೆಗ್ ವೀಸಾ ಕೊರ್ಪುನೆನ್ ಸೌದಿ ಅರೇಬಿಯಾ ಉಂತಾದ್ಂಡ್.
ಪಾಕಿಸ್ತಾನ, ಬಾಂಗ್ಲಾ, ಈಜಿಪ್ಟ್, ಇಂಡೋನೇಷ್ಯಾ, ಇರಾಕ್, ನೈಜೀರಿಯಾ, ಜೋರ್ಡನ್, ಅಲ್ಜೀರಿಯಾ, ಸೂಡಾನ್, ಇಥಿಯೋಪಿಯಾ, ಟ್ಯುನಿಷಿಯಾ, ಯೆಮೆನ್ ಬೊಕ್ಕ ಮೊರೊಕ್ಕೊ ಬ್ಯಾನ್ ಆತಿನ ಬೇತೆ ದೇಶೊಲು.
ಉಮ್ರಾ ಅತ್ತಂದೆ, ವೈವಾಟ್ ಬೊಕ್ಕ ಕುಟುಮದಕಲೆನ್ ತೂಯೆರ ಪೋಪಿನ ಭೇಟಿಗ್ಲಾ ಈ ಬ್ಯಾನ್ ಅನ್ವಯ ಆಪುಂಡು. ಏ. 13ರ್ದ್ ಸುರು ಆಪೀನ ಈ ಬ್ಯಾನ್‌ನ್ ಏಪ ಪಿರ ಗೆತೊನುವೆರ್ ಪನ್ದ್ ತೆರಿದ್ ಬೈದಿಜಿ.
ಸುರಕ್ಷತೆ ಬೊಕ್ಕ ಜನೊಕ್ಲೆನ ರಷ್‌ನ್ ಅಂಕೆಡ್ ದೀವರೆ ಈ ಕ್ರಮ ಗೆತೊಂದ ಪನ್ದ್ ಸೌದಿ ತೆರಿಪಾದ್ಂಡ್.