ಇನಿ ಸೆಕೆಂಡ್ ಪಿಯುಸಿ ಪರೀಕ್ಷೆದ ಫಲಿತಾಂಶ

Last updated on April 8th, 2025 at 09:37 am

ಬೆಂಗಳೂರು, ಏ.08: ಮಾರ್ಚ್ 1 ರ್ದ್ ಮಾರ್ಚ್ 20 ಮುಟ್ಟ ನಡತಿನ 2024-25 ನೇ ವರ್ಸೊದ ಸೆಕೆಂಡ್ ಪಿಯುಸಿ ಪರೀಕ್ಷೆದ ಫಲಿತಾಂಶ ಇನಿ ಮಧ್ಯಾಹ್ನ ಪ್ರಕಟ ಆಪುಂಡು.

ಇನಿ ಮಧ್ಯಾಹ್ನ 12.30ಕ್ಕ್ ಶಾಲಾ ಶಿಕ್ಷಣ ಸಚಿವೆ ಮಧು ಬಂಗಾರಪ್ಪೆರ್ ಮಲ್ಲೇಶ್ವರಂ ಡ್ ಇಪ್ಪುನ ಮಂಡಳಿದ ಕೇಂದ್ರ ಕಚೇರಿಡಡ್ ಸುದ್ದಿಗೋಷ್ಠಿ ಮಲ್ತ್‌ದ್ ಫಲಿತಾಂಶ ಪ್ರಕಟ ಮಲ್ಪೆರಗುಲ್ಲೆರ್. ಸುದ್ದಿಗೋಷ್ಠಿ ಕರಿದ್ ಮಧ್ಯಾಹ್ನ 1.30 ಗಂಟೆಗ್ ವೆಬ್‌ಸೈಟ್‌ಡ್ ಫಲಿತಾಂಶೊನು ತೂವೊಲಿ.

ಈ ಸರ್ತಿ ಸುಮಾರ್ 7.13 ಲಕ್ಷ ಜೋಕುಲು ಸೆಕೆಂಡ್ ಪಿಯುಸಿ ಪರೀಕ್ಷೆ ಬರೆದಿತ್ತೆರ್. ಸೆಕೆಂಡ್ ಪಿಯುಸಿ ಫಲಿತಾಂಶೊನು karresults.nic.in , kseab.karnataka.gov.in ಈ ರಡ್ಡ್ ವೆಬ್ ಸೈಟ್‌‌ಲೆಡ್ ತೂವೊಲಿ.