Last updated on April 15th, 2025 at 03:44 pm
ಉಬಾರ್, ಎ. 15: ಕೆಎಸ್‌ಆರ್‌ಟಿಸಿ ಬಸ್‌ದ ಟಯರ್ ಪುಡಯಿನೆರ್ದಾವರ ಬಸ್ ಡಿವೈಡರ್‌ಗ್ ಎಡ್ತಿನ ನಡಕೆ ಕುಡ್ಲ-ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿ 75ತ ಶಿರಾಡಿ ಗ್ರಾಮೊದ ಅಡ್ಡಹೊಳೆ ಹೆಚ್‍ಪಿ ಪೆಟ್ರೋಲ್ ಪಂಪದ ಎದುರು ಎ.14ತಾನಿ ರಾತ್ರೆ ನಡತ್‌ದ್ಂಡ್. ಎಡ್ತೆಡ್ ಬಸ್‌ಡ್ ಇತ್ತಿನ ಕಂಡನೆಬೊಡೆದಿ ಸೇರ್ದ್ ಮೂವೆರ್ ಪ್ರಯಾಣಿಕೆರೆಗ್ ಗಾತಿದ ಗಡಿಕುಲಾದಿತ್ತ್‌ದ್, 10 ಜನೊಕು ಕಿಞ್ಞ ಕಿಞ್ಞ ಗಡಿಕುಲಾತ ಪನ್ದ್ ತೆರಿದ್ ಬೈದ್ಂಡ್.
ಕುಂದಾಪುರ ಡಿಪೋಗು ಸೇರ್ದಿನ ಕೆಎಸ್ಸಾರ್ಟಿಸಿ ಬಸ್ಸ್ ಕುಡುಮರ್ದ್ ಬೆಂಗಳೂರ್‌ಗ್ ಪೋವೊಂದುಪ್ಪುನ ಪೊರ್ತುಡು ರಾಷ್ಟ್ರೀಯ ಪೆರ್ಸಾದಿ 75ತ ಶಿರಾಡಿ ಗ್ರಾಮೊದ ಅಡ್ಡಹೊಳೆತಲ್ಪ ಡಿವೈಡರ್‌ಗ್ ಎಡ್ತ್‌ದ್ಂಡ್. ನಡಕೆಡ್ ಬಸ್ಸ್‌ಡ್ ಇತ್ತಿನ ಚಂದ್ರು (68), ಆರೆನ ಬೊಡೆದಿ ಸರೋಜ(60) ಬೊಕು ಕುಡೊರಿ ಪ್ರಯಾಣಿಕೆ ಸೇರ್ದ್ ಮೂವೆರೆಗ್ ಗಾತಿದ ಗಡಿಕುಲಾತ, ಮೊಕಲೆನ್ ಉಜಿರೆದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದೆರ್. ಬಸ್ ಡ್ರೈವರ್ ಸೇರ್ದೊ 10 ಜನ ಪ್ರಯಾಣಿಕೆರೆಗ್ ಕಿಞ್ಞ ಕಿಞ್ಞ ಗಡಿಕುಲಾದಿತ್ತ್‌ದ್ ಮುಟ್ಟದ ಆಸ್ಪತ್ರೆಡ್ ಮರ್ದ್ ಮಲ್ತೊಂದುಲ್ಲೆರ್.