Last updated on April 12th, 2025 at 06:41 pm
ಹರಿಯಾಣ, ಎ. 12: ವಿಧ್ಯಾರ್ಥಿ ಒರಿ ತನ್ನ ಗರ್ಲ್‌ಫ್ರೆಂಡ್‌ನ್ ಸೂಟ್‌ಕೇಸ್‌ಡ್ ದಿಂಜಾವೊಂದು ತಾನ್ ಇತ್ತಿನ ಬಾಯ್ಸ್ ಹಾಸ್ಟೆಲ್‌ಗ್ ಲೆತೊಂದು ಬತ್ತಿತ್ತ್‌ದ್, ಹಾಸ್ಟೆಲ್‌ದ ಸೆಕ್ಯುರಿಟಿ ಗಾರ್ಡ್‌ಲೆನ ಕೈಟ್ ತಿಕ್ಕ್‌ದ್ ಬೂರ್ದಿನ ನಡಕೆ ನಡತಿತ್ತ್‌ದ್, ನಡಕೆದ ವಿಡಿಯೋ ಇತ್ತೆ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್.
ಹರಿಯಾಣದ ಸೋನಿಪತ್ ವಿಶ್ವವಿದ್ಯಾನಿಲಯೊದ ವಿಧ್ಯಾರ್ಥಿ ತನ್ನ ಗರ್ಲ್ ಫ್ರೆಂಡ್‌ನ್ ಸೂಟ್‌ಕೇಸ್‌ಡ್ ದಿಂಜಾವೊಂದು ಲೆತೊಂದು ಬತ್ತ್‌ದೆ. ಈ ಪೊರ್ತುಡು ಡೌಟ್ ಬತ್ತಿನ ಸೆಕ್ಯುರಿಟಿ ಗಾರ್ಡ್ ಸೂಟ್‌ಕೇಸ್ ಓಪನ್ ಮಲ್ಪೆರ ಪನ್ತೆರ್. ಅಪಗ ಸೂಟ್‌ಕೇಸ್‌ರ್ದ್ ಜವನ್ದಿ ಒರ್ತಿ ಪಿದಯಿ ಬತ್ತ್‌ದಲ್. ಈ ನಡಕೆದ ವಿಡಿಯೋ ಇತ್ತೆ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್.
ಸೂಟ್‌ಕೇಸ್‌ಡ್ ಏರಾ ದೆಂಗ್‌ದ್ ಕುಲ್ದೆರ್ ಪನ್ದ್ ಹಾಸ್ಟೆಲ್ ಸಿಬ್ಬಂದಿ ಅತ್ತ್ಂಡ ವಿಶ್ವವಿದ್ಯಾಲಯೊದ ಆಡಳಿತೊಗು ಎಂಚ ತೆರಿಂಡ್ ಪನ್ದ್ ಪತ್ತ ತಿರಿದ್‌ಜಿ. ಪೊಣ್ಣನ ಗುರ್ತ ತೆರಿದ್ ಬೈಜಿ.