ಕಾರ್ಲದ ಹೆರ್ಮುಂಡೆಡ್ ತರುಣ ಭಾರತ ಚಾರಿಟೇಬಲ್ ಟ್ರಸ್ಟ್ ಬೊಕ್ಕ ಹೆರ್ಮುಂಡೆ ಸರಕಾರಿ ಶಾಲೆದ ಕಡೆರ್ದ್ ಜೋಕುಲೆಗ್ ತುಳು ಲಿಪಿ ಕಲ್ಪಾವುನ ಕಾರ್ಯಾಗಾರ

Last updated on April 2nd, 2025 at 06:34 pm

ಹೆರ್ಮುಂಡೆ, ಕಾರ್ಲ: ತುಳು ಭಾಷೆದ ಪ್ರಚಾರ ಬೊಕ್ಕ ಲಿಪಿತ ಒರಿಪುದಂಚಿ ಪಜ್ಜೆ ದೀಪಿನ ಉದ್ದೇಶೊಡು, ಕಾರ್ಲ ತಾಲೂಕ್‌ದ ಹೆರ್ಮುಂಡೆ ಗ್ರಾಮೊದ ಸರ್ಕಾರಿ ಶಾಲೆಡ್ ಜೋಕುಲೆಗ್ ತುಳು ಲಿಪಿ ಕಲ್ಪಾವುನ ಮಹತ್ವೊದ ಕಜ್ಜ ತೊಡಂಗ್‌ದ್ಂಡ್.

ಈ ಅಭಿಯಾನೊಡು ಶಿಕ್ಷಕೆರಾಯಿನ ಅಶ್ವಿನಿ ಶೆಟ್ಟಿ, ಮೋನಿಕಾ ಭವಿತ್ ಕುಮಾರ್ ಬೊಕ್ಕ ಲತಾ ಹೆಗ್ಡೆ ಮೊಕುಲು ತನ್ಕುಲೆ ಉಮೇದ್ ಬೊಕ್ಕ ಸೇವಾಭಾವೊಡು ವಿದ್ಯಾರ್ಥಿಲೆಗ್ ತುಳು ಲಿಪಿಟ್ ಓದುನ ಬರೆಪುನೆನ್ ಪನ್ಡ್‌ದ್ ಕೊರೊಂದುಲ್ಲೆರ್. ತುಳು ಭಾಷೆಗ್ ಉತ್ತೇಜನ ಅಂಚೆನೇ ನನದ ತರೆಮಾರ್‌ದ ಜೋಕುಲೆಗ್ ಅಪ್ಪೆಭಾಷೆದ ಬಗೆಟ್ ತೆರಿಪಾವುನ ಈ ಶಿಕ್ಷಕೆರೆನ ಬೇಲೆ ನಿಜವಾದ್ ಪುಗರೊಡಾಯಿನವು.

ಈ ವಿಶೇಷ ಕಾರ್ಯಕ್ರಮ ತರುಣ ಭಾರತ ಚಾರಿಟೇಬಲ್ ಟ್ರಸ್ಟ್ (ರಿ.) ಮೊಕಲೆನ ಸಹಯೋಗೊಡು ಎಡ್ಡೆಡ್ ನಡತೊಂದುಂಡು. ಮುಟ್ಟದ ಜೋಕುಲೆಡ ತುಳು ಭಾಷೆ, ಲಿಪಿತ ಬಗೆಟ್ ಅರಿಮೆ ಪುಟ್ಟಾಯೆರ ಈ ಶಾಲೆ ಮಲ್ಲ ಪುನೆಪು ಬರೊಂದುಂಡು ಅಂಚೆನೇ ದುಂಬಗ್ ಭಾಷೆದ ಬುಲೆಚ್ಚಿಲ್‌ಗ್ ಮಲ್ಲ ಪಜ್ಜೆಲಾ ಆಪುಂಡು.