Last updated on April 15th, 2025 at 05:54 pm
ಇಲ್ಲ್ ಕುಟುಮದಕ್ಲೆನ್ ಬುಡುದು ಬಂಜಿದ ಬಡವುಗು, ನಾಲ್ ಪಣವು ಬೆನೆರೆ ದೂರದೂರುಗು ಪೋಂಡಲಾ ತುಳುವೆರ್ ತನ್ಕುಲೆ ಮೂಲ ಸಂಸ್ಕೃತಿನ್ ಮದಪುಜೆರ್. ತನ್ನ ಇಲ್ಲ್, ಕುಟುಮ ಸಂಸಾರೊನು ಕಾಪುನ ಸತ್ಯೊಲೆನ್ ನೆನೆತೊಂದು ಅಲ್ಪರ್ದೇ ಪತ್ತ್ ಬಿರೆಲ್ ಗೋಡ್ಯಾದ್ ನೆನೆಪಂದಿನ ದಿನ ಇಪ್ಪಂದ್. ಆತ್ ಪೋಡಿಗೆ, ಭಕ್ತಿ ತುಳುವೆರೆಗ್ ತನನ್ ಕಾಪುನ ಸತ್ಯೊಲೆ ಮಿತ್ತ್.
ನಂಬಿಕೆದ ಒಟ್ಟುಗು ಅವೆತೊಪ್ಪ ಆಚರಣೆಲೆನ್ಲಾ ನಮ್ಮಕುಲು ಬುಡಯೆರ್. ತುಳುವೆರೆಗ್ ಪೊಸ ವರ್ಸ ಪಗ್ಗುದ ಒಂಜನೇ ದಿನ, ಬಿಸುತಾನಿ ಸುರು ಆಪುಂಡು. ಆನಿ ನಮ್ಮ ಕಂಡ ಮಜಲ್‌ಡ್ ಆತಿನ ನಟ್ಟಿಕಾಯಿ, ಪೂ ಪರ್ನ್ದ್‌ನ್ ಸತ್ಯೊಲೆ ಎದುರು ದೀದ್, ಕೈ ಮುಗ್ಯುನವು ನಮ್ಮ ಕ್ರಮ. ತುಳುನಾಡೊರ್ಮೆಲಾ ಈ ಬಿಸುಕಣಿ ದೀಪುನ ಕ್ರಮ ಉಂಡು.
ಆಂಡ, ಬೆನರೆ ಪಿದಯಿ ಊರುಗು ಪೋದು ಅಲ್ಪನೇ ಕುಲ್ಲುದಿತ್ತೆರ್ನ್ಡಲಾ ಮೂಡಾಯಿ ಆಫ್ರಿಕಾದ ತುಳುವೆರ್ ತನ್ಕುಲೆ ಮೂಲೊನು ಮದಪಂದೆ, ಬಿಸುತ ಕ್ರಮ ಕರಿತ್‌ದೆರ್. ಮೂಡಾಯಿ ಆಫ್ರಿಕಾದ ಬಂಟೆರೆ ಸಂಘೊದ ಮುತಾಲಿಕೆಡ್ ಎಪ್ರಿಲ್ 13 ತಾನಿ ಕಾಂಡೆ 11:30 ಕ್ ಕೀನ್ಯಾದ ನೈರೋಬಿ ವೆಸ್ಟ್‌ಲ್ಯಾಂಡ್ಸ್ ರೋಡ್‌ದ ಪ್ರೈಡ್ಇನ್ ಹೋಟೇಲ್‌ಡ್ ಬಿಸುತ ಲೇಸ್ ನಡತ್ಂಡ್, ಅಂಚೆನೇ ಪಾರಂಪರಿಕ ತೆನಸ್‌ಲಾ ಇತ್ತ್ಂಡ್.
ಸಂಘೊದ ಮುತಾಲಿಕೆಡ್ ಇದಮುಟ್ಟ 25 ಜನೊಕು ತುಳು ಲಿಪಿಲಾ ಕಲ್ಪಾದ ಪನ್ಪಿನೆನ್ ಪದುಕೆರ್ ಪೆರ್ಮೆಡ್ ಪನ್ಡೊನುವೆರ್
