Last updated on April 10th, 2025 at 10:37 am
ಒಡಿಪು, ಏ. 10 : ಪೆರಿಯಡ್ಕ ಪೊಲೀಸ್ ಸ್ಟೇಶನ್ ಸೀಮೆದ ನಿವಾಸಿಲಾಯಿನ ಮಂಜುಳಾ (24) ಬೊಕ್ಕ ಮಲ್ಲಿಕಾ (18) ಪನ್ಪಿನ ಇರ್ವೆರ್ ಪಲಿ ಸಂಗಡಿಯರ್ಲು ಏಪ್ರಿಲ್ 3 ತಾನಿ ಇಲ್ಲರ್ದ್ ಪಿದಯಿ ಪೋತಿನಕುಲು ಪಿರ ಬರಂದೆ ನಾಪತ್ತೆ ಆತೆರ್.
ಮಂಜುಳಾ (24 ವರ್ಷ), 5 ಅಡಿ 1 ಇಂಚಿ ಎತ್ತರ, ಎಣ್ಣೆಗಪ್ಪು ಮೆಯಿಬಣ್ಣ, ಸಾಧಾರಣ ಶರೀರ ಇತ್ತಿನಾರ್ ಆದಿತ್ತ್‌ದ್, ತುಳು ಬೊಕ್ಕ ಕನ್ನಡ ಭಾಷೆ ಪಾತೆರುವೆರ್. ಅಂಚೆನೇ ಕರಿನ 10 ವರ್ಸೊಗು ದುಂಬು ಮದಿಮೆ ಆದಿತ್ತ್‌ದ್, 2 ವರ್ಸೊರ್ದಿಂಚಿ ಅಪ್ಪೆ ಇಲ್ಲಡೇ ಉಲ್ಲೆರ್.
ಮಲ್ಲಿಕಾ (18 ವರ್ಷ) 5 ಅಡಿ ಎತ್ತರ, ಎಣ್ಣೆಗಪ್ಪು ಮೆಯಿಬಣ್ಣ, ಸಾಧಾರಣ ಶರೀರ ಇತ್ತಿನಾರ್ ಆದಿತ್ತ್‌ದ್, ಮೇರ್‌ಲಾ ತುಳು ಬೊಕ್ಕ ಕನ್ನಡ ಭಾಷೆ ಪಾತೆರುವೆರ್. ಅಂಚೆನೇ ಪತ್ತನೇ ಕ್ಲಾಸ್ ಮುಟ್ಟ ಶಾಲೆಗ್ ಪೋದಿತ್ತ್‌ದ್, ಅವೆರ್ದ್ ಬೊಕ್ಕ ಇಲ್ಲಡೇ ಇತ್ತೆರ್. ಮೊಕಲೆನ ಬಗೆಟ್ ಒಲವು ತಿಕ್ಕ್ಂಡ ಪೆರಿಯಡ್ಕ ಪೊಲೀಸ್ ಸ್ಟೇಶನ್‌ದ ಉಪನಿರೀಕ್ಷಕೆರೆಗ್ ಒಲವು ಕೊರ್ಯೆರ ಪೆರಿಯಡ್ಕ ಪೊಲೀಸ್ ಠಾಣಾಧಿಕಾರಿಲೆನ ಪ್ರಕಟಣೆ ತೆರಿಪಾದ್ಂಡ್.