Last updated on April 6th, 2025 at 12:57 pm
ವಿಟ್ಲ, ಎ. 05: ಜವನೆ ಒರಿ ಪೊಣ್ಣಡ ಮೊಬೈಲ್ ನಂಬರ್ ಗೆತೊಂದು ರಾತ್ರೆ ಇಡೀ ಅಶ್ಲೀಲ ಮಸೇಜ್ ಮಲ್ತ್‌ದ್ ಮನದಾನಿ ತಿಕ್ಕೆರೆ ಬತ್ತಿನ ಟೊರ್ತುಡು ಅಲ್ಪದಕುಲು ತೂದು ಸಮ ಪೊಲಿ ಪಾಡ್ದ್ ಪೊಲೀಸೆರೆ ವಶೊಕು ಕೊರ್ತಿನ ನಡಕೆ ವಿಟ್ಲದ ಕುಡ್ತಮುಗೇರ್ ಪನ್ಪಿನಲ್ಪ ನಡತ್‌ದ್ಂಡ್.
ಪೆಟ್ಟ್ ತಿನ್ತಿನಾಯನ್ ಕನ್ಯಾನ ಮುಟ್ಟದ ಪಂಜಾಜೆ ನಿವಾಸಿ ಸವಾದ್(22)ಪನ್ದ್ ಗುರ್ತ ಪತ್ತ್‌ದೆರ್. ಬೆಂಗಳೂರ್‌ದ ಕೋರಮಂಗಲದ ಕುಂಟುದಂಗಡಿಡ್ ಸೇಲ್ಸ್ ಮ್ಯಾನ್ ಆದುನಪ್ಪುನ ಸವಾದ್ ರಂಝಾನ್‌ಗ್ ಊರುಗು ಬತ್ತಿತ್ತೆ.
ಸವಾದ್ ಜವನ್ದಿ ಒರ್ತಿಡ ನಂಬರ್ ಕಕೇನ್ದಿತ್ತೆ ಆಂಡ ಆಲ್ ಗುರ್ತದ ಆಣನ ಮೊಬೈಲ್ ನಂಬರ್ ಕೊರ್ದಿತ್ತಲ್. ಪೊಣ್ಣನ ನಂಬರ್ ಪನ್ದ್ ಎನ್ನ್‌ದ್ ಆ ಜವನಗ್ ರಾತ್ರೆ ಇಡೀ ಆಶ್ಲೀಲ ಮೆಸೇಜ್ ಕಡಪುಡ್ದೆ. ಆತೇ ಅತ್ತಂದೆ ನಡೀರ್ ಕುಂಟು ದೆತ್ತ್‌ದ್ ಉರ್ಬುಲಿ ವೀಡಿಯೋ ಕಾಲ್ ಮಲ್ಪು ಪನ್ದ್ ಗಡೀ ಗಡೀ ಮೆಸೇಜ್ ಮಲ್ತ್‌ದ್ ಒತ್ತಾಯ ಮಲ್ತ್‌ದ್ ಮಾನಸಿಕ ಕಿರುಕುಳ ಕೊರ್ತೆ. ಬೊಕ್ಕ ತಿಕ್ಕ್‌ಲ ಪನ್ದ್ ಪನ್ದಿತ್ತಿನ ಸವಾದ್ ಭೇಟಿ ಆಯೆರ ಬೇಲೆಗ್ ರಜೆ ಪಾಡ್ದ್ ಕುಡ್ತಮುಗೇರ್‌ಗ್ ಬತ್ತಿನಪಗ ಅಲ್ಪದಕುಲು ಆಯನ್ ಪತ್ತ್‌ದ್ ವಿಟ್ಲ ಪೊಲೀಸೆರೆಗ್ ಒಲವು ಕೊರ್ತೆರ್.
ಜಾಗೆಗ್ ಬತ್ತಿನ ಪೊಲೀಸೆರ್ ಆಯನ್ ವಶೊಕು ಗೆತೊಂದು ವಿಚಾರಣೆ ಮಲ್ತೊಂದುಲ್ಲೆರ್.