‘ಬಂಗಾಳಡ್ ವಕ್ಫ್ ಕಾಯ್ದೆ ಜಾರಿ ಆಪುಜಿ’ – ಮಮತಾ ಬ್ಯಾನರ್ಜಿ

Last updated on April 10th, 2025 at 08:01 am

ಕೋಲ್ಕತ್ತಾ, ಏ.09: ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಬುಧವಾರ ರಾಜ್ಯೊಡು ವಕ್ಫ್ (ತಿದ್ದುಪಡಿ) ಕಾಯ್ದೆನ್ ಜಾರಿಗ್ ಕನಪುಜ ಪನ್ದ್ ಪನ್ತೆರ್.

ಕೋಲ್ಕತ್ತಾಡ್ ಜೈನ ಸಮುದಾಯೊದ ಕಾರ್ಯಕ್ರಮೊನು ಉದ್ದೇಶಿತ್‌ದ್ ಪಾತೆರ್ನ ಬ್ಯಾನರ್ಜಿ, ಅಲ್ಪಸಂಖ್ಯಾತ ಜನೊಕುಲು ಬೊಕ್ಕ ಅಕ್ಲೆನ ಆಸ್ತಿನ್ ರಕ್ಷಣೆ ಮನ್ಪೆ ಪನ್ದ್ ಪನ್ಡೆರ್. “ವಕ್ಫ್ ಕಾಯ್ದೆ ಜಾರಿಗ್ ಬತ್ತಿನೆರ್ದಾವರ ನಿಕುಲು ಬೆಸರ್‌ಡ್ ಉಲ್ಲರ್ ಪನ್ದ್ ಎಂಕ್ ತೆರಿದ್ಂಡ್. ನಂಬಿಕೆ ದೀಲೆ, ಬಂಗಾಳಡ್ ಪುಡತ್‌ದ್ ಆಳ್ಮೆ ಮಲ್ಪುನ ವಾ ವಿಷಯಲಾ ನಡಪುಜಿ” ಪನ್ದ್ ಆರ್ ಪನ್ಡೆರ್.

ಗುರುವಾರ ಲೋಕಸಭೆಟ್ ಬಿಜೆಡಿ ಸದಸ್ಯೆರ್ ಇಜ್ಜಂದೆ ವಕ್ಫ್ (ತಿದ್ದುಪಡಿ) ಮಸೂದೆನ್ ಅಂಗೀಕಾರ ಮಲ್ದೆರ್ ಬೊಕ್ಕ ಸಂಸತ್ತ್‌ದ ರಡ್ಡ್ ಸದನೊಡ್ಲಾ ನಡತಿನ ಮ್ಯಾರಥಾನ್ ಚರ್ಚೆಲೆನ ಬೆರಿಟ್ ಶುಕ್ರವಾರ ಕಾಂಡೆ ರಾಜ್ಯಸಭೆಟ್ ಅಂಗೀಕಾರ ಮಲ್ತೆರ್. ರಾಷ್ಟ್ರಪತಿ ದ್ರೌಪದಿ ಮುರ್ಮು ಶನಿವಾರ ಮಸೂದೆಗ್ ತನ್ನ ಒಪ್ಪಿಗೆ ಕೊರ್ತೆರ್.