ರಾಜ್ಯೊಡು ವಕ್ಫ್ ತಿದ್ದುಪಡಿ ಕಾಯ್ದೆ ಜಾರಿ ಆಪುಜಿ – ಪುತ್ತೂರು ಶಾಸಕೆ ಅಶೋಕ್ ರೈ

Last updated on April 15th, 2025 at 07:38 pm

ಪುತ್ತೂರು, ಎ. 15: ಕೇಂದ್ರ ಸರಕಾರ ಜಾರಿಗ್ ಕನೈದಿನ ಪೊಸ ವಕ್ಫ್  ಬಿಲ್ ಕರ್ನಾಟಕೊಡು ಜಾರಿ ಆಪುಜಿ, ಧಾರ್ಮಿಕ ಮುಖಂಡೆರೆಡೊಪ್ಪ ಚರ್ಚೆ ಮಲ್ಪಂದೆ ಬಿಲ್ ಪಾಸ್ ಮಲ್ದಿನ ಖಂಡನೀಯ ಪನ್ದ್ ಶಾಸಕೆ ಅಶೋಕ್ ಕುಮಾ‌ರ್ ರೈ ಪನ್ಡೆರ್.

ವಕ್ಫ್ ಬಿಲ್ ನಮ್ಮ ರಾಜ್ಯೊಡು ಅನುಷ್ಠಾನ ಆಪಿನ ಪ್ರಶ್ನೆನೇ ಇಜ್ಜಿ, ಪಾಕ ಸಂಘಟನೆಲು ಇತ್ತೆನೇ ಈ ವಿಚಾರವಾದ್ ಸುಪ್ರೀಂ ಕೋರ್ಟ್‌ದ ಮೊಟ್ಟು ಮಿತ್ತರ್ದಿತ್ತ್‌ದ್ ನ್ಯಾಯಂತಡೆಡೊ ಗೆಂದುನ ವಿಶ್ವಾಸ ಉಂಡು ಪನ್ದ್ ಆರ್ ಪನ್ಡೆರ್. ಒವ್ವೇ ಮಸೂದೆ ಜಾರಿಗ್ ಬರ್ಪುಂಡಲಾ ಆ ಧರ್ಮೊದಕಲೆಡ ಪಾತೆರ್ದ್ ಒತ್ತೊಂಡೆರ್ನ್ಡ ಮಾತ್ರ ಜಾರಿಗ್ ಕನವೊಡು, ಧರ್ಮೊದಕಲೆನ ವಿರೋಧ ಇತ್ತ್ಂಡಲಾ ಜಾರಿಗ್ ಸಮ ಅತ್ತ್ ಪನ್ಡಿನ ಆರ್ ಇದು ರಾಜ್ಯೊಡು ಜಾರಿ ಆಪುಜಿ ಪನ್ದ್ ಪನ್ಡೆರ್.