Last updated on April 4th, 2025 at 05:22 pm
ನವದೆಹಲಿ, ಏ.04 : ಸಂಸತ್ತ್‌ಡ್ ಅಂಗೀಕಾರ ಆತಿನ ವಕ್ಫ್ (ತಿದ್ದುಪಡಿ) ಮಸೂದೆ- 2025 ಸಾಂವಿಧಾನಿಕವಾದ್ ಉಂಡಾ ಇಜ್ಜಾ ಪನ್ಡ್‌ದ್ ಪ್ರಶ್ನೆ ಮಲ್ತ್‌ದ್ ಬೇಗೊಡೇ ಸುಪ್ರೀಂ ಕೋರ್ಟ್‌ಗ್ ಅರ್ಜಿ ಪಾಡುವ ಪನ್ದ್ ಕಾಂಗ್ರೆಸ್ ಏ. 4ತಾನಿ ಪನ್ಡ್‌ನ್ಡ್.
ಈ ಬಗೆಟ್ X ಡ್ ಪೋಸ್ಟ್ ಮಲ್ದಿನ ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್, ‘ವಕ್ಫ್ (ತಿದ್ದುಪಡಿ) ಮಸೂದೆ, 2025 ತ ಸಾಂವಿಧಾನಿಕತೆನ್ ಬೇಗೊಡೇ ಕಾಂಗ್ರೆಸ್ ಸುಪ್ರೀಂ ಕೋರ್ಟ್ಡ್ ಪ್ರಶ್ನೆ ಮಲ್ಪುಂಡು ಪನ್ದ್’ ಪನ್ತೆರ್.
ಭಾರತೊದ ಸಂವಿಧಾನೊಡ್ ಇಪ್ಪುನ ತತ್ವೊಲು, ಸಂದರಪ್ಪುಲು, ಆಚರಣೆಲೆನ ಮಿತ್ತ್ ಮೋದಿ ಸರ್ಕಾರ ಮಲ್ತೊಂದುಪ್ಪುನ ಮಾತಾ ದಾಳಿಲೆನ್ ಎಂಕ್ಲ ವಿರೋಧ ಮಲ್ಪುನ. ರಾಜ್ಯಸಭೆಟ್ ವಕ್ಫ್ ಮಸೂದೆದ ಬಗೆಟ್ ಚರ್ಚೆಗ್ ವಿರೋಧ ಪಕ್ಷೊಲು ಬಾರೀ ಆಕ್ಷೇಪಣೆ ಮಲ್ತಿತ್ತ. ಮಸೂದೆನ್ ‘ಮುಸ್ಲಿಂ ವಿರೋಧಿ’ ಬೊಕ್ಕ ‘ಅಸಂವಿಧಾನಿಕ’ ಪನ್ದ್ ವಿರೋಧ ಪಕ್ಷೊಲು ಟೀಕೆ ಮಲ್ತಿತ್ತ. ಮಸೂದೆನ್ ‘ಐತಿಹಾಸಿಕ ಸುಧಾರಣೆ’ ಪನ್ದ್ ಪನ್ಡಿನ ಸರ್ಕಾರ ಅಲ್ಪಸಂಖ್ಯಾತ ಸಮುದಾಯೊಗು ಪ್ರಯೋಜನಕಾರಿ ಪನ್ದ್ ಪನ್ತ್ಂಡ್ ಪನ್ದ್ ಪೋಸ್ಟ್ ಮಲ್ದೆರ್.
2019ದ ಸಿಎಎ ಬಗೆಟ್ ಕಾಂಗ್ರೆಸ್ ಸಂದಾದಿತ್ತಿನ ಅರ್ಜಿದ ವಿಚಾರಣೆ ಸುಪ್ರೀಂ ಕೋರ್ಟ್ಡ್ ನಡತೊಂದುಂಡು. 2005 ಆರ್‌ಟಿಐ ಕಾಯ್ದೆದ 2019ದ ತಿದ್ದುಪಡಿ, ಚುನಾವಣಾ ನಿಯಮೊಲೆನ (2024) ತಿದ್ದುಪಡಿಲೆನ ಸಿಂಧುತ್ವ ಪ್ರಶ್ನೆ ಮಲ್ತ್‌ದ್ ಸುಪ್ರೀಂ ಕೋರ್ಟ್ಡ್ ಕಾಂಗ್ರೆಸ್ ಪಾಡ್ದಿನ ಅರ್ಜಿಲೆನ್ ಸುಪ್ರೀಂ ಕೋರ್ಟ್ ವಿಚಾರಣೆ ಮಲ್ತೊಂದುಂಡು ಪನ್ದ್ ಆರ್ ಬರೆಯೊಂದೆರ್.