Last updated on April 16th, 2025 at 09:22 am
ಕುಡ್ಲ, ಎ.14: ಮೂಲತಃ ಬೆಳಗಾವಿ ಜಿಲ್ಲೆದ, ಇತ್ತೆ ಕುಡ್ಲದ ಎರ್ಮೆಕೆರೆತ ಅಪಾರ್ಟ್‌ಮೆಂಟ್ ಒಂಜೆಟ್ ಬೇಲೆ ಮಲ್ತೊಂದಿತ್ತಿನ ಕಂಡನ್ಯನ ಒಟ್ಟುಗು ಇತ್ತಿನ ಪೊಂಜೊವು ಒರ್ತಿ ತನ್ನ ಮೂಜಿ ವರ್ಸ ಪ್ರಾಯೊದ ಬಾಲೆದೊಟ್ಟುಗು ನಾಪತ್ತೆ ಆತಿನ ಬಗೆಟ್ ಪಾಂಡೇಶ್ವರ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.
ಸುಜಾತಾ ನಾಗಪ್ಪ ಗೋಡಿ ನಾಪತ್ತೆ ಆತಿನಾರ್. ಮೇರ್ 12 ವರ್ಸೊಗು ಪಿರವು ನಾಗಪ್ಪೆರೆನ್ ಮೋಕೆ ಮಲ್ತ್‌ದ್ ಮದಿಮೆ ಆದಿತ್ತೆರ್. ನಾಗಪ್ಪೆ ಎರ್ಮೆಕೆರೆತ ಒಂಜಿ ಅಪಾರ್ಟ್‌ಮೆಂಟ್‌ಡ್ ಹೌಸ್ ಕೀಪಿಂಗ್ ಬೊಕ್ಕ ಸೆಕ್ಯೂರಿಟಿ ಬೇಲೆ ಮಲ್ತೊಂದಿತ್ತೆರ್, 10 ತಿಂಗೊಲುರ್ದು ಸುಜಾತಾ ಈ ಅಪಾರ್ಟ್‌ಡ್ ಇತ್ತೆರ್. ಈ ದಂಪತಿಗ್ ಇರ್ವೆರ್ ಜೋಕುಲು ಉಲ್ಲೆರ್. ಎ.6ತಾನಿ ನಾಗಪ್ಪೆ ಬೇಲೆಗ್ ಪಿದಯಿ ಪೋದಿತ್ತ್‌ದ್, ಈ ಪೊರ್ತುಡು ಸುಜಾತಾ ತನ್ನ ಎಲ್ಯ ಮಗೆ ನಿಖಿಲ್ ಕುಮಾರ್‌ನ ಒಟ್ಟುಗು ನಾಪತ್ತೆ ಆತೆರ್ ಪನ್ದ್ ಪೊಲೀಸ್‌ಗ್ ಕೊರ್ತಿನ ಒಯಿಲ್‌ಡ್ ಬರೆಪಾದೆರ್.
30 ವರ್ಸ ಪ್ರಾಯೊದ ಸುಜಾತಾ 5.2 ಅಡಿ ಎತ್ತರ ಇತ್ತ್‌ದ್, ಎಣ್ಣೆಕಪ್ಪು ಮೈಬಣ್ಣದಾರ್. ಕನ್ನಡ, ಹಿಂದಿ, ಉರ್ದು ಭಾಷೆ ಪಾತೆರುವೆರ್. ಮೇರ್ ಒಲ್ಲಾ ತೂಯೆರ ತಿಕ್ಕ್ಂಡ ಪಾಂಡೇಶ್ವರ (0824-2220518)ಪೊಲೀಸೆರೆಗ್ ತೆರಿಪಾವೊಲಿ ಪನ್ದ್ ಪೊಲೀಸ್ ಪ್ರಕಟನೆ ತೆರಿಪಾದ್ಂಡ್.