Last updated on May 22nd, 2025 at 07:53 pm
ಬೆಂಗಳೂರು: ಕಲಾವಿದೆ ಮಡೆನೂರು ಮನುನ ಮಿತ್ತ್ ಅತ್ಯಾಚಾರ ಆರೋಪ ಕೇನ್ದ್ ಬೈದ್ಂಡ್. ಕಾಮಿಡಿ ಕಿಲಾಡಿ ಶೋಡ್ ಒಟ್ಟುಗೆ ಬೇಲೆ ಮಲ್ದಿನ ಒರ್ತಿ ಕೊರ್ತಿನ ಒಯಿಲ್‌ದ ಆಧಾರೊಡು ಮನುನು ಪೊಲೀಸೆರ್ ವಶೊಕು ಗೆತೊಕದೆರ್. ಬೆಂಗಳೂರುದ ಅನ್ನಪೂರ್ಣೇಶ್ವರಿ ನಗರ ಸ್ಟೇಶನ್ ಪೊಲೀಸೆರ್ ಹಾಸನ ತಾಲೂಕ್‌ದ ಶಾಂತಿಗ್ರಾಮೊದ ಕೈತಲ್ ಮಡೆನೂರುಡು ಮನುನು ವಶೊಕು ಗೆತೊಂದೆರ್.
2018ಡ್ ಮನು ಬೊಕ್ಕ ಪೊಣ್ಣಗ್ ಗುರ್ತ ಆಂಡ್. ಆಲೆಗ್ ಬಾಡಾಯಿದ ಇಲ್ಲ್ ಮನುವೇ ನಾಡ್‌ದ್ ಕೊರ್ದಿತ್ತೆ. ‘ಕಾಮಿಡಿ ಕಿಲಾಡಿಗಳು’ ಶೋಡ್ ಮೊಕುಲು ಒಟ್ಟುಗೇ ಇತ್ತೆರ್. ಪೊಣ್ಣಡ ಬಾರೀ ಮುಟ್ಟ ಆದಿತ್ತಿನ ಮನುಗು ಅಪಗಪೇ ಮದಿಮೆ ಆದ್ ಒಂಜಿ ಬಾಲೆಲಾ ಇತ್ತ್ಂಡ್. ಇರ್ವೆರ್ಲಾ ಶಿಕಾರಿಪುರಟ್ ಜಂಬರ ಒಂಜೆಕ್ ಪೋದಿಪ್ಪುನಗ ಅತ್ಯಾಚಾರ ಮಲ್ತ್‌ದೆರ್ ಪನ್ದ್ ಪೊಣ್ಣು ಆರೋಪ ಮಲ್ತ್‌ದಲ್.
ಅತ್ಯಾಚಾರ ಆಯಿ ಬೊಕ್ಕ ಒತ್ತಾಯೊಡು ಮದಿಮೆಲಾ ಆದಿತ್ತೆರ್‌ಗೆ. ಅವೆರ್ದ್‌ಬೊಕ್ಕಲಾ ಅತ್ಯಾಚಾರ ಮಲ್ತ್‌ದೆ, ರಡ್ಡ್ ಸರ್ತಿ ಬಂಜಿನಾಲ್ ಆತೆ, ರಡ್ಡ್ ಸರ್ತಿಲಾ ಗರ್ಭಪಾತ ಮಲ್ಪಾದೆ ಪನ್ದ್ ಸಂತ್ರಸ್ತೆದಿ ಒಯಿಲ್ ಬರೆಪಾದೆರ್.
ಎಲ್ಲೆ ಮನು ಹೀರೋ ಆದ್ ನಟನೆ ಮಲ್ದಿನ ‘ಕುಲದಲ್ಲಿ ಕೀಳ್ಯಾವುದೋ’ ಪಿಚ್ಚರ್ ರಿಲೀಸ್ ಆವೊಂದುಂಡು, ಅವೇನ್ ಸೋಪಾಯೆರ ಎನ್ನ ಮಿತ್ತ್ ಸುಳ್ಳು ಆರೋಪ ಮಲ್ತೊಂದುಲ್ಲೆರ್ ಪನ್ದ್ ಮನು ಫೇಸ್‌ಬುಕ್ ಲೈವ್‌ಡ್ ಪನ್ತೆರ್.