Last updated on May 3rd, 2025 at 01:07 pm
ದೇಲ್ಲಿ,ಮೇ.02: ನ್ಯಾಷನಲ್ ಹೆರಾಲ್ಡ್ ಕಾಸ್ ಕಡಪುಡ್ನ ಪ್ರಕರಣೊಗು ಸಂಬಂಧಿತ್‌ದ್ ಕಾಂಗ್ರೆಸ್‌ ನಾಯಕೆರಾಯಿನ ಸೋನಿಯಾ ಗಾಂಧಿ ಬೊಕ್ಕ ರಾಹುಲ್‌ ಗಾಂಧಿಗ್ ದೆಲ್ಲಿ ನ್ಯಾಯಂತಡೆ ನೋಟಿಸ್ ಜಾರಿ ಮಲ್ದ್ಂಡ್.
ಜಾರಿ ನಿರ್ದೇಶನಾಲಯ (ಇಡಿ) ಮಲ್ದಿನ ಜಡ್ತೆ ಬೊಕ್ಕ ಒಂಜಿ ದಶಕೊಗು ದುಂಬುದ ಕಾನೂನು ಕೊಲಲರ್ದ್ ಬೊಕ್ಕ ಇರ್ವೆರೆಗ್ಲಾ ಔಪಚಾರಿಕ ನೋಟಿಸ್ ಜಾರಿ ಮಲ್ದ್ಂಡ್. ಒವ್ವೇ ಹಂತೊಡು ವಿಚಾರಣೆ ಮಲ್ಪುನ ಹಕ್ಕ್ ನ್ಯಾಯಯುತ ವಿಚಾರಣೆಗ್ ಜೂವ ದಿಂಜಾವುಂಡು ಪನ್ದ್ ನ್ಯಾಯಾಧೀಶೆರಾಯಿನ ವಿಶಾಲ್ ಗೋಗ್ನೆ ತೆರಿಪಾದೆರ್. ನನದ ವಿಚಾರಣೆನ್ ಮೇ 8ಕಗ್ ಗೊತ್ತು ಮಲ್ದೆರ್.
ಬಿಜೆಪಿ ನಾಯಕೆ ಸುಬ್ರಮಣಿಯನ್ ಸ್ವಾಮಿ ಮೇರ್ 2014 ತ ಜೂನ್‌ಡ್ ಸಂದಾದಿನ ಪ್ರೈವೇಟ್ ಕ್ರಿಮಿನಲ್ ಒಯಿಲ್‌ನ್ ಮ್ಯಾಜಿಸ್ಟ್ರೇಟ್ ನ್ಯಾಯಂತಡೆ ಗೆತೊಂಡಿಬೊಕ್ಕ 2021 ಟ್ ಜಾರಿ ನಿರ್ದೇಶನಾಲಯೊದ ಜಡ್ತೆ ಔಪಚಾರಿಕವಾದ್ ಸುರು ಆದಿತ್ತ್ಂಡ್.