Last updated on May 31st, 2025 at 04:20 pm
ಕಾಸ್ರೋಡ್, ಮೇ. 31: ಬೊಲ್ಲಡ್ ಪೋದು ಆಂಜೊವು ಒರಿ ತೀರ್ದಿನ ನಡಕೆ ಮಧೂರು ಪಟ್ಲ ಮೊಗೇರ್ ಪನ್ಪಿನಲ್ಪ ನಡತ್‌ದ್ಂಡ್. ಪಾಲಕುನ್ನು ಕರಿಪ್ಪೊಡಿದ ಸಾದಿಕ್ ( ೩೯) ತೀರ್ದಿನಾರ್. ಬೊಡೆದಿನಿಲ್ಲಗ್ ಬತ್ತಿತ್ತಿನ ಮೇರ್ ಮುಟ್ಟದ ಬಿನ್ನೆರೆ ಇಲ್ಲಗ್ ನಡತೊಂದು ಪೋವೊಂದುಪ್ಪುನಗ ಬೊಲ್ಲಗ್ ಪೋದಿತ್ತ್‌ದ್ , ಒಟ್ಟುಗಿತ್ತಿನ ಬೊಡೆದಿನ ಪಲಯೆ ಮೊಯ್ದು ಪಡಾಯಿರ್ದ್ ಬಚಾವಾತೆರ್.
ಕಾಂಡೆ ಮಧೂರು ಪಟ್ಲ ಮೊಗೇರ್ ಪನ್ಪಿನಲ್ಪ ನಡಕೆ ನಡತ್‌ದ್ಂಡ್. ಬೈಲ್‌ಡೆ ನಡತೊಂದು ಪೋವೊಂದುಪ್ಪುನಗ ಕಾರ್ ಜಾರ್ದ್ ಬೂರ್ದೆ. ಅಗ್ನಿಶಾಮಕ ದಳೊದ ಸಿಬ್ಬಂದಿ, ಮುಟ್ಟದಕುಲು ಮಾತಾ ನಾಡ್‌ದ್ ಜಾರ್ದ್ ಬೂರಿನೆರ್ದ್ ಒಂತೆ ದೂರೊಡು ಪುನ ತಿಕ್ಕ್‌ದ್ಂಡ್. ಪುನೊನು ಕಾಸ್ರೋಡ್ ಜನರಲ್ ಆಸ್ಪತ್ರೆಡ್ ಮರಣೋತ್ತರ ಪರೀಕ್ಷೆ ಮಲ್ತ್‌ದ್ ಇಲ್ಲದಕ್ಲೆಗ್ ಬುಡ್ದು ಕೊರ್ತೆರ್.