ಟೈಗರ್ ಆಪರೇಷನ್: ಕುಡ್ಲ ಪೇಂಟೆದ ಪಾಕ ಕಡೆಟ್ ಸಾದಿ ಬರಿತ ಅಂಗಡಿಲೆನ ಅಡಿಲಕ್ಕಾಯಿನ ಪಾಲಿಕೆ

Last updated on May 23rd, 2025 at 08:57 am

ಕುಡ್ಲ ಮೇ 22: ಕುಡ್ಲಡ್ ಕುಡ ಸಾದಿ ಬರಿತ ಅಂಗಡಿದಕ್ಲೆನ ಬದ್‌ಕ್‌ದ ಮಿತ್ತ್ ಜೆಸಿಬಿ ಪೋತುಂಡು. ಕುಡ್ಲ ಪೇಂಟೃದ ಪಾಕ ಕಡೆಟ್ ಮಹಾನಗರಪಾಲಿಕೆದ ಅಧಿಕಾರಿಲು ಗುರುವಾರ ಸಾದಿ ಬರಿತ ಅಂಗಡಿಲೆನ್ ದೆಪ್ಪಾವುನ ಕಾರ್ಯಾಚರಣೆ ಮಲ್ದೆರ್. ಈ  ಕಾರ್ಯಾಚರಣೆಗ್ ಬತ್ತಿನ ಅಧಿಕಾರಿಲೆನ ವಿರುದ್ದ ಬೇರದಕುಲು ಆಕ್ರೋಶ ತೂಪಾಯಿನ ನಡಕೆ ನಡತ್‌ದ್ಂಡ್.

ನಗರಪಾಲಿಕೆ ಅಧಿಕಾರಿಲು ಸಾದಿ ಬರಿತ ಬೇರದ ನಿಯಮ ಬೊಕ್ಕ ಕಾನೂನು ಪಾಲನೆ ಮಲ್ತೊಂದಿಜ್ಜೆರ್, ನಗರಪಾಲಿಕೆ ಆಡಳಿತ ವ್ಯವಸ್ಥೆಡ್ ಜನೊಕುಲೆನ ಪ್ರತಿನಿಧಿಲು ಇಜ್ಜೆರ್. ನಗರಪಾಲಿಕೆದ ಸೀಮೆಡ್ ಟೌನ್ ಟ್ರೇಡ್ ಸಮಿತಿ ಇಜ್ಜಿ. ಸಾದಿಬರಿ ಬೇರದಕಲೆನ ಸಮಸ್ಯೆಲೆನ್ ಕೇನೆರೆ ರಿಟೈರ್ಡ್ ನ್ಯಾಯಾಧೀಶೆರೆ ಮುತಾಲಿಕೆದ ಕುಂದೆಲ್ ನಿವಾರಣಾ ಸಮಿತಿಲಾ ಇಜ್ಜಿ. ಮಿತ್ತ ಬಿನ್ನಪು ಪ್ರಾಧಿಕಾರೊಲಾ ಇಜ್ಜಂದೆ ಇಪ್ಪುನಗ ಕಾರ್ಯಾಚರಣೆ ಮಲ್ದಿನ ಅಧಿಕಾರಿಲೆನ ಸಂವಿಧಾನ ವಿರೋಧಿ ಕ್ರಮ ಪನ್ದ್ ಸಿಐಟಿಯು ಟೀಕೆ ಮಲ್ದ್ಂಡ್.

ಸ್ಟೇಟ್‌ಬ್ಯಾಂಕ್‌ದ ಕೈತಲ್ ಟ್ರಾಫಿಕ್ ಸಮಸ್ಯೆ ಆವಡ್, ಸಾರ್ವಜನಿಕೆರೆ ಒಯಿಲಾ ಆವಡ್ ಇಜ್ಜಂದಿನಪಗ ಅಧಿಕಾರಿಲು ದಾಳಿ ಮಲ್ದಿನ ಅನುಮಾನ ಬರೊಂದುಂಡು. ಕಂಟೋನ್ಮೆಂಟ್ ವಾರ್ಡ್‌ಡ್ ಮಲ್ದಿನ ಸಾದಿಬೇರ ವಲಯ ಸಮ ಇಜ್ಜಿ ಅಂಚೆನೇ ಅವೈಜ್ಞಾನಿಕವಾದುಂಡು. ಕೈತಲ್‌ದ ವಾರ್ಡ್‌ಡ್ ಸಾದಿ ಬರಿಟೇ ಬೇರ ನಡತೊಂದುಪ್ಪುನೆರ್ದಾವರ ಗ್ರಾಹಕೆರ್ ವ್ಯಾಪಾರ ವಲಯೊದ ಉಲಯಿ ಬರಂದೆ ಬೇರದಕುಲೆಗ್ ಪಾಕ ನಷ್ಟ ಆವೊಂದಿತ್ತ್ಂಡಲಾ ಅಧಿಕಾರಿಲು ಕಾರ್ಯಾಚರಣೆ ಮಲ್ತೊಂದುಪ್ಪುನ ಅಮಾನವೀಯ ಕ್ರಮ ಆದುಂಡು. ಅಂಚಾದ್ ಇಂಚಿನ ಕಾರ್ಯಾಚರಣೆ ಉಂತಾವೊಡು ಪನ್ದ್ ಸಿಐಟಿಯು ಒತ್ತಾಯ ಮಲ್ದ್ಂಡ್.