Last updated on May 27th, 2025 at 12:00 pm
ಪುತ್ತೂರು ಮೇ 27: ಪ್ರೈವೇಟ್ ಬಸ್ ಒಂಜಿ ಕಾರ್‌ಗ್ ಪಿರವುರ್ದ್ ಎಡ್ತಿನೆರ್ದಾವರ ಕಾರ್‌ಡಿತ್ತಿನ ಮೂವೆರೆಗ್ ಗಾತಿದ ಗಡಿಕುಲಾತಿನ ನಡಕೆ ಪುತ್ತೂರುದ ಮುರ ಪನ್ಪಿನಲ್ಪ ನಡತ್‌ದ್ಂಡ್. ಗಡಿಕುಲಾತಿನಕಲೆನ್ ಅಂಡೆಪುಣಿ ಈಶ್ವರ ಭಟ್, ಆರೆನ ಮಗಲ್ ಅಪೂರ್ವ ಬೊಕ್ಕ ಪುಲ್ಲಿ ಪನ್ದ್ ಗುರ್ತ ಪತ್ತ್‌ದೆರ್.
ಅಂಡೆಪುನಿ ಈಶ್ವರ್ ಭಟ್ರೆನ ಇಲ್ಲಡ್ ಕಾರ್ಯಕ್ರಮ ಇತ್ತ್ಂಡ್. ಉಂದೆಟ್ ಪಾಲ್‌ಪಡೆಯೆರ ಆರೆನ ಮಗಲ್ ಅಪೂರ್ವ ಬೊಕ್ಕ ಪುಲ್ಲಿ ಬೆಂಗಳೂರುರ್ದ್ ಪುತ್ತೂರ್‌ಗ್ ಬಸ್ಸ್‌ಡ್ ಬತ್ತಿತ್ತೆರ್. ಈಶ್ವರ್ ಭಟ್ರ್ ಪುತ್ತೂರು ಪೇಂಟೆರ್ದ್ ಮೊಕಲೆನ್ ತನ್ನ ವ್ಯಾಗನರ್ ಕಾರ್‌ಡ್ ಇಲ್ಲಗ್ ಲೆತೊಂದು ಪೋವೊಂದಿತ್ತೆರ್. ಈ ಪೊರ್ತುಡು ಮುರ ಜಂಕ್ಷನ್‌ದಲ್ಪ ಕಾರ್‌ಗ್ ಪಿರವುರ್ದ್ ಪ್ರೈವೇಟ್ ಬಸ್ ಎಡ್ತ್‌ದ್ಂಡ್ ಪನ್ದ್ ಪನೊಂದುರಲ್ಲೆರ್.
ಎಡ್ತಿನ ಬೆರಿಟೇ ಮುಟ್ಟದಕುಲು ಪಕ್ಕ ಪಕ್ಕ, ಞಕ್ಕೆ ಆತಿನ ಕಾರ್‌ರ್ದ್ ಮೂವೆರೆನ್ಲಾ ಪಿದಯಿ ದೆತ್ತ್‌ದೆರ್. ಗಡಿಕುಲಾತಿನಕಲೆನ್ ಕುಡ್ಲಗ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಜಾಗೆಗ್ ಪುತ್ತೂರು ಟ್ರಾಫಿಕ್ ಪೋಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.